Ганчанка

Ганча́нка^[1] — рака ў Клічаўскім раёне Магілёўскай вобласці Беларусі, левы прыток ракі Ольса (басейн Дняпра).

Ганчанка
Характарыстыка
Даўжыня	13 км
Басейн	79 км²
Вадацёк
Выток
• Месцазнаходжанне	за 3,5 км на паўднёвы захад ад вёскі Гонча
• Каардынаты	53°30′54″ пн. ш. 29°27′19″ у. д.HGЯO
Вусце	Ольса
• Месцазнаходжанне	за 0,8 км на ўсход ад пасёлка Патока
• Вышыня	147 м
• Каардынаты	53°33′14″ пн. ш. 29°22′52″ у. д.HGЯO
Размяшчэнне
Водная сістэма	Ольса → Бярэзіна → Дняпро → Чорнае мора
Краіна	Беларусь
Рэгіён	Магілёўская вобласць
Раён	Клічаўскі раён
выток вусце
— выток, — вусце

Даўжыня ракі 13^[2] км. Плошча вадазбору 79 км². Сярэдні нахіл воднай паверхні 1,2^[1] м/км. Пачынаецца за 3,5 км на паўднёвы захад ад вёскі Гонча^[2] меліярацыйнымі канавамі з тарфянога масіву, які асвоены торфапрадпрыемствам «Ганчанскае», вусце за 1 км на поўдзень ад моста праз Ольсу на чыгунцы Магілёў — Асіповічы, прыкладна за 0,8 км на ўсход ад пасёлка Патока. Вадазбор у межах Цэнтральнабярэзінскай раўніны^[1]. Рэчышча ў вярхоўі і каля вёскі Гонча каналізаванае. За 1,5 км у напрамку на поўдзень ад вёскі Баркі магчымы пераліў вады паміж Ганчанкай і ракой Суша^[2]. Па берагах ракі пераважае лес.

Каля ракі вёскі Гонча, Драні.

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.
2. Общая характеристика речной сети Могилёвской области Архівавана 31 жніўня 2017.