Гарады, вызначаныя ўказамі ўрада

Гарады, вызначаныя ўказамі ўрада (яп.: 政令指定都市 Сэйрэй сітэй тосі) — японскія гарады з адмысловым адміністрацыйна-прававым статусам, прысвоеным указам Кабінета міністраў Японіі ў адпаведнасці з Законам аб мясцовым самакіраванні. Органы самакіравання гэтых гарадоў упаўнаважаны прымаць рашэнні па некаторых пытаннях, якія звычайна вырашаюцца толькі на ўзроўні прэфектуры, напрыклад у вобласці гарадской сістэмы адукацыі, сацыяльнага забеспячэння, гарадскога планавання і ліцэнзавання прадпрыемстваў малога бізнесу.

Карта Японіі. Чырвоным пазначаны гарады, вызначаныя ўказамі ўрада, сінім — цэнтральныя гарады, жоўтым — адмысловыя гарады.

У сваю чаргу, гарады з гэтым статусам падзяляюцца на гарадскія раёны (яп.: 区 ку), органы кіравання якіх упаўнаважаны вырашаць некаторыя пытанні адміністрацыйнага ўзроўню (напрыклад, у вобласці рэгістрацыі, падатку на нерухомасць, медыцынскага страхавання і г.д.).

Па законе, гарады, вызначаныя ўказамі ўрада, павінны мець прынамсі 500 000 чалавек насельніцтва (да 2005 года гарадамі, вызначанымі ўказамі, станавіліся толькі гарады-мільянеры).

Варта адзначыць, што Токіа лічыцца сталічнай прэфектурай, і таму не прэтэндуе на статус горада, вызначанага ўказам урада.

Спіс гарадоў, вызначаных указамі ўрада

Адміністрацыйны падзел Японіі

Узровень прэфектур

Прэфектуры Японіі (都道府県 то-до:-фу-кэн)

Адзінкі меншага ўзроўню

Акругі Японіі (支庁 ситё:) Гарады, вызначаныя ўказамі ўрада (政令指定都市 сэйрэй сітэй тосі) Паветы (郡 гун)

Муніцыпальны ўзровень

Цэнтральныя гарады (中核市 тю:каку сі) Адмысловыя гарады (特例市 токурэй сі) Гарады (市 сі) Адмысловыя раёны Токіа (特別区 токубэцу ку) Раёны гарадоў (区 ку) Мястэчкі (町 тё: / маці) Вёскі (村 сон / мура)

Ідэнтыфікацыйны код суб’екта самакіравання

Г Р П

Па стане на 1 красавіка 2010 года ў Японіі знаходзілася 19 гарадоў, вызначаных указамі ўрада^[1]:

Рэгіён	Прэфектура	Назва	Дата прызначэння	Насельніцтва	Плошча, км²
Хакайда		Сапара	1 красавіка 1972	1 896 207	1 121,12
Тахоку	Міягі	Сэндай	1 красавіка 1989	1 060 263	785,85
Канто	Сайтама	Сайтама	1 красавіка 2003	1 220 710	217,49
	Тыба	Тыба	1 красавіка 1992	960 566	272,08
	Канагава	Іакагама	1 верасня 1956	3 681 279	437,38
		Кавасакі	1 красавіка 1972	1 420 329	142,70
		Сагаміхара	1 красавіка 2010	714 179	328,83
Цюбу	Ніігата	Ніігата	1 красавіка 2007	811 876	726,10
	Сідзуока	Сідзуока	1 красавіка 2005	715 827	1 411,82
		Хамамацу	1 красавіка 2007	807 828	1 558,04
	Айты	Нагоя	1 верасня 1956	2 259 762	326,43
Кінкі	Кіёта	Кіёта	1 верасня 1956	1 464 890	827,90
	Осака	Осака	1 верасня 1956	2 668 113	223,00
		Сакаі	1 красавіка 2006	838 995	149,99
	Хіёга	Кобэ	1 верасня 1956	1 538 840	552,26
Цюгоку	Акаяма	Акаяма	1 красавіка 2009	705 420	789,92
	Хірасіма	Хірасіма	1 красавіка 1980	1 181 057	905,41
Кюсю	Фукуока	Кітакюсю	1 красавіка 1963	981 129	488,78
		Фукуока	1 красавіка 1972	1 461 631	341,70

Зноскі

1. 指定都市市長会 (яп.)  (нявызн.) ?. 指定都市市長会. — Асацыяцыя мэраў гарадоў, вызначаных указамі ўрада. Архівавана з першакрыніцы 3 красавіка 2012. Праверана 13 ліпеня 2010.