Гарліца

Гарлі́ца^[1][2] (Berteroa) — род кветкавых раслін сямейства Капуставыя (Brassicaceae).

Гарліца
Гарліца шэрая (Berteroa incana)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Трыба:  Alysseae Род:  Гарліца
Міжнародная навуковая назва
Berteroa DC.
Сістэматыка на Віківідах Выявы на Вікісховішчы ITIS   23051 NCBI   228873 EOL   71314 GRIN   g:1424 IPNI   30101977-2

Батанічнае апісанне

Адна-, двух- і шматгадовыя шаравата-зялёныя травяністыя расліны з прамастойным галінастым сцяблом. Лісце суцэльнае, чаргаванае, падоўжана-ланцэтнае. Кветкі дробныя, двухполыя, белыя, у галоўчатых гронках. Плод — авальны стручок. Насенне пляскатае, акаймаванае.

Распаўсюджанне

Вылучаюць 8^[1] (5^[3]) відаў. Пашыраны ў Еўропе, Азіі і Міжземнамор’і. На тэрыторыі Беларусі паўсюдна трапляецца гарліца шэрая (Berteroa incana), расце на палях, сухіх лугах, пустках, узгорках, каля дарог, на сметніках і пясчаных мясцінах.

Выкарыстанне

Лекавыя (мачагонны, патагонны, вяжучы, заспакаяльны і ранагаючы сродак) і меданосныя расліны; пустазелле.

Віды

Згодна з The Plant List:

• Berteroa gintlii Rohlena
• Berteroa incana (L.) DC. — Гарліца шэрая
• Berteroa mutabilis (Vent.) DC.
• Berteroa obliqua (Sm.) DC.
• Berteroa orbiculata DC.

Зноскі

1. Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5.
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 23. — 160 с. — 2 350 экз.
3. Berteroa // The Plant List (англ.)