Гарычка

Гары́чка^[1][2] (Gentiána) — род шматгадовых, радзей аднагадовых траў і паўхмызнякоў сямейства Гарычкавыя (Gentianaceae).

Гарычка
Gentiana pneumonanthe
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гарычкакветныя Сямейства:  Гарычкавыя Трыба:  Gentianeae Падтрыба:  Gentianinae Род:  Гарычка
Міжнародная навуковая назва
Gentiana L., 1753
Тыпавы від
Gentiana lutea L. — Гарычка жоўтая
Сістэматыка на Віківідах Выявы на Вікісховішчы ITIS   29963 NCBI   21496 EOL   38326 IPNI   16570-1

У паняцця ёсць і іншыя значэнні, гл. Гарычка (значэнні).

Назва

Паводле Плінія Старэйшага, родавая лацінская назва Gentiana нададзена гарычцы ад імя ілірыйскага цара Гентыя  (руск.) (II ст. да н.э.), які лячыў чуму карэннем гарычкі жоўтай (Gentiana lutea).

Беларускую назву гарычка атрымала праз вельмі горкі смак каранёў і лісця, абумоўлены наяўнасцю ў іх гліказідаў.

Батанічнае апісанне

Травяністыя расліны з прамастойным сцяблом. Лісце супраціўнае, простае, суцэльнакрайняе, сядзячае. Кветкі адзіночныя, зрэдку нешматлікія, пераважна 4—5-членныя. Вяночак трубчасты або трубчаста-лейкападобны. Плод — каробачка. Насенне часта мае крыльцы. Размнажаюцца насеннем.

Выкарыстанне

Лекавыя, дэкаратыўныя і меданосныя расліны.