Генрых Аляксеевіч Філіпаў

Ге́нрых Аляксе́евіч Філі́паў (1 мая 1929, Варонеж — 2 чэрвеня 1993, Мінск) — дзяржаўны дзеяч БССР, міністр паліўнай прамысловасці БССР (1972—1988), кандыдат тэхнічных навук (1972).

Генрых Аляксеевіч Філіпаў
міністр паліўнай прамысловасці БССР 1977 — 1988
Кіраўнік урада	Ціхан Кісялёў Аляксандр Аксёнаў Уладзімір Бровікаў Міхаіл Кавалёў
Папярэднік	ён сам, як міністр тарфяной прамысловасці
Пераемнік	пасада скасаваная
міністр тарфяной прамысловасці БССР 1972 — 1977
Кіраўнік урада	Ціхан Кісялёў
Папярэднік	Іван Брытаў
Пераемнік	ён сам, як міністр паліўнай прамысловасці
Нараджэнне	1 мая 1929(1929-05-01) Варонеж, Цэнтральна-Чарназёмная вобласць[d], РСФСР, СССР
Смерць	2 чэрвеня 1993(1993-06-02) (64 гады) Мінск, Беларусь
Месца пахавання	Усходнія могілкі
Партыя	УКП(б)
Адукацыя	БПІ (1951)
Навуковая ступень	кандыдат тэхнічных навук
Месца працы	Міністэрства сельскай гаспадаркі і харчавання БССР Міністэрства паліўнай прамысловасці БССР
Узнагароды

У Вікіпедыі ёсць артыкулы пра іншых людзей з прозвішчам Філіпаў.

Біяграфія

Скончыў Беларускі політэхнічны інстытут (1951).

З 1951 года начальнік аддзела, галоўны інжынер торфапрадпрыемства, галоўны інжынер, начальнік Гомельскага абласнога ўпраўлення сельскай гаспадаркі. З 1960 года намеснік міністра сельскай гаспадаркі БССР, старшыня Рэспубліканскага аб’яднання Сельгастэхнікі. З 1962 года намеснік старшыні Бюро ЦК КПБ па кіраўніцтву сельскай гаспадаркай, адначасова загадчык аддзела ЦК КПБ, у 1965—1967 гадах першы намеснік міністра сельскай гаспадаркі БССР. З 1968 года загадчык сектара, намеснік дырэктара Цэнтральнага НДІ механізацыі і электрыфікацыі сельскай гаспадаркі нечарназёмнай зоны СССР.

З 1972 года міністр тарфяной прамысловасці БССР, з 1977 года — міністр паліўнай прамысловасці БССР.

З 1988 па 1991 год першы намеснік Старшыні Дзяржаўнага камітэта БССР па паліву і газіфікацыі.

Памёр 2 чэрвеня 1993 года. Пахаваны на Усходніх могілках горада Мінска.

Дэпутат Вярхоўнага Савета БССР (1962—1966). Кандыдат у члены ЦК КПБ (1961—1971).

Узнагароды

Узнагароджаны ордэнам Працоўнага Чырвонага сцяга, медалямі За працоўную доблесць, Ганаровай граматай Прэзідыума Вярхоўнага Савета БССР.

Літаратура

• Філіпаў Генрых Аляксеевіч // Беларуская Савецкая Энцыклапедыя. У 12 т. Т. 10. Сошна — Фут / Рэдкал.: П. У. Броўка (гал. рэд.) і інш. — Мн.: БелСЭ, 1974. — С. 590. — 656 с.: іл., карты.

Спасылкі

• Філіпаў Генрых Аляксеевіч на сайце анлайн-энцыклапедыі «Беларусь у асобах і падзеях»