Георгій Мікалаевіч Пятроў

У Вікіпедыі ёсць артыкулы пра іншых людзей з прозвішчам Пятроў.

Георгій Мікалаевіч Пятро́ў^[1] (руск.: Георгий Николаевич Петров; 23 жніўня 1888 — 17 ліпеня 1960) — піяніст, хормайстар, дырыжор і педагог, Заслужаны артыст Казахскай ССР (1942), Заслужаны дзеяч мастацтваў Беларускай ССР (1949).

Георгій Мікалаевіч Пятроў
Дата нараджэння	28 жніўня 1888(1888-08-28)
Месца нараджэння	Масква, Маскоўская губерня, Расійская імперыя
Дата смерці	17 ліпеня 1960(1960-07-17) (71 год)
Краіна	Расійская імперыя  СССР
Альма-матар	Маскоўская дзяржаўная кансерваторыя імя П. І. Чайкоўскага
Месца працы	Беларуская дзяржаўная акадэмія музыкі Нацыянальны акадэмічны Вялікі тэатр оперы і балета Рэспублікі Беларусь Казахскі дзяржаўны акадэмічны тэатр оперы і балета імя Абая Мінскі дзяржаўны музычны каледж імя М. І. Глінкі
Музычная дзейнасць
Педагог	Канстанцін Мікалаевіч Ігумнаў[d]
Прафесіі	музыкант, дырыжор, хормайстар, педагог
Узнагароды

Біяграфія

Нарадзіўся ў Маскве.

У 1910 годзе скончыў Маскоўскую кансерваторыю (клас педагога К. М. Ігумнава). Выкладаў у музычных навучальных установах Адэсы, Екацярынаслава, Таганрога. У 1920 годзе ўзначаліў агітцягнік імя Луначарскага^[2].

З 1923 года — канцэртмайстар хору пры Цэнтральным рабочым клубе^[2] ў Гомелі, з 1927 года — выкладчык Мінскага музычнага тэхнікума.

У 1930—1933 гадах быў адным з арганізатараў і выкладчыкаў Беларускай студыі оперы і балета ў Мінску.

З 1932 года Г. М. Пятроў выкладаў у Беларускай кансерваторыі (з 1948 года — дацэнт).

У 1937—1945 гадах — галоўны хормайстар Казахскага тэатра оперы і балета імя Абая^[3].

У 1933—1937, 1945—1950, 1959—1960 гадах — галоўны хормайстар і дырыжор Дзяржаўнага тэатра оперы і балета Беларусі.

З 1950 па 1958 гады ўзначальваў кафедру фартэпіяна ў Беларускай дзяржаўнай акадэміі музыкі. Пад яго кіраўніцтвам актывізываліся навучальная, канцэртна-выканальніцкая і метадычная работа, распрацоўваліся праграмы для студэнтаў па навучанні ігры на фартэпіяна, у якія былі ўключаныя творы беларускіх кампазітараў.^[4]

Памёр 17 ліпеня 1960 года ў Мінску.

Творчасць

Кіраваў пастаноўкай балетаў «Чырвоны мак» Р. Гліера (1933), «Капелія» Леа Дэліба (1935), «Дон Кіхот» Л. Мінкуса (1946), «Раймонда» А. К. Глазунова і інш.

Зноскі

1. БелЭн 2001.
2. Петров, Георгий Николаевич // Улицы Гомеля Архівавана 28 ліпеня 2021. (руск.)
3. Балет: энциклопедия. / Гл. ред. Ю. Н. Григорович. — М.: Советская энциклопедия, 1981. (руск.)
4. ИСТОРИЯ КАФЕДРЫ ФОРТЕПИАНО