Герман Саламонаў

Герман (Гершл) Саламонаў (1875, Мінск — ?) — беларускі скрыпач і педагог^[2].

Герман Саламонаў
Дата нараджэння	1875[1]
Месца нараджэння	Мінск, Мінскі павет, Мінская губерня, Расійская імперыя[1]
Дата смерці	1943[1]
Месца смерці	Мінскае гета, Мінск, Генеральная акруга Беларусь, Рэйхскамісарыят Остланд[1]
Альма-матар	Лейпцыгская вышэйшая школа музыкі і тэатра
Месца працы	Беларуская дзяржаўная акадэмія музыкі Літоўская акадэмія музыкі і тэатра
Музычная дзейнасць
Педагог	Іегуда Жухавіцкі
Прафесіі	скрыпач, музыкант, музычны педагог, канцэртмайстар

У Вікіпедыі ёсць артыкулы пра іншых людзей з прозвішчам Саламонаў.

Біяграфія

Нарадзіўся ў Мінску ў сям’і бедных музыкантаў^[3]. Ужо ў дзяцінстве яго называлі вундэркіндам за чароўную ігру на скрыпцы^[3].

Па парадзе свайго настаўніка І. Жухавіцкага, з якім пазней ажаніліся на родных сёстрах, і пад яго кіраўніцтвам адправіўся ў Лейпцыг і пры дапамозе некалькіх мецэнатаў, якія падтрымалі вельмі таленавітага вучня^[3], скончыў там Лейпцыгскую дзяржаўную кансерваторыю па класе скрыпкі^[2].

Пасля заканчэння кансерваторыі некалькі гадоў працаваў канцэртмайстарам у адным з аркестраў Лейпцыга. У 1907 годзе рушыў у ЗША, дзе скрыпач заняў пост канцэртмайстара Нью-Ёркскай філармоніі, і пражыў там пяць гадоў. У гэты час ён многа і вельмі паспяхова гастраляваў, выступаючы з канцэртамі ў многіх краінах свету. Мінскія газеты стала перадрукоўвалі ўзнёслыя водгукі берлінскіх і лейпцыгскіх газет^[4].

Па вяртанні ў 1913 годзе Г. Саламонаў у першым жа канцэрце выконвае складанейшыя творы для скрыпкі^[5].

У Мінску выкладаў у Народнай кансерваторыі. Падчас польскай улады ў 1920 годзе быў запрошаны ў Віленскую кансерваторыю, дзе быў прафесарам і выкладаў скрыпку^[6]. Гастраляваў па вялікіх гарадах Польшчы^[3].

У 1939 годзе вярнуўся ў Мінск і зноў выкладаў у Беларускай кансерваторыі^[3]. У Мінску ўдзельнічаў у радыёпраграмах і даваў канцэрты^[3].

У 1943 годзе Г. Саламонаў загінуў у Мінскім гета разам са сваёй жонкай Маняй Слапян. Вызваленыя з гета апавядалі, што ён да самай смерці іграў на скрыпцы для вязняў^[2].

Выжыў прынамсі адзін сын, Давыд Саламонаў^[3].

Зноскі

1. https://web.archive.org/web/20210518175858/http://rep.bgam.edu.by/xmlui/bitstream/handle/123456789/46/%D0%97%D0%AB%D0%9A%D0%9E%D0%92%D0%90.pdf?sequence=1&isAllowed=y
2. М. Зыкова. Становление и развитие профессионального скрипичного образования и исполнительского искусства Беларуси в начале XX века Архівавана 18 мая 2021. (руск.)
3. Musicians in Minsk by David Zakai, David Solomonov (англ.)
4. Северо-Западный край. — 1904. — 11 апреля. № 428.
5. Минский голос. — 1913. — 8 марта. — № 1006.
6. Maria Ankudowicz-Bieńkowska  (польск.), Polskie zycie muzyczne w Wilnie, 119.