Глеб Андрэевіч Якушэвіч

У Вікіпедыі ёсць артыкулы пра іншых людзей з прозвішчам Якушэвіч.

Глеб Якушэвіч (нар. 31 ліпеня 2002, Мінск) — беларускі футбаліст, абаронца расійскага клуба «Шыннік» з Яраслаўля і моладзевай зборнай Беларусі.

Глеб Якушэвіч
Поўнае імя	Глеб Андрэевіч Якушэвіч
Нарадзіўся	31 ліпеня 2002(2002-07-31)[1] (23 гады) Мінск, Беларусь[1]
Грамадзянства	Беларусь
Рост	191 см
Вага	81 кг[1]
Пазіцыя	абаронца
Інфармацыя пра клуб
Клуб	Шыннік
Нумар	81
Клубная кар’ера[* 1]
2019—2023 Мінск 44 (0) 2024— Шыннік (Яраслаўль)
Нацыянальная зборная[* 2]
2022— Беларусь (да 21) 12 (1)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 18 студзеня 2024. Колькасць гульняў і галоў за нацыянальную зборную ў афіцыйных матчах, адкарэктавана станам на 23 лістапада 2023

Клубная кар’ера

З 4 гадоў трэніраваўся ў структуры «Мінска», з 2019 года пачаў выступаць за дубль клуба, гуляў у Юніёрскай лізе УЕФА. Перад сезонам 2021 пачаў прыцягвацца да асноўнай каманды, у складзе якой дэбютаваў 6 сакавіка 2021 года, выйшаўшы на замену ў канцы матча Кубка Беларусі супраць «Іслачы» (1:1). 11 красавіка 2021 года ўпершыню згуляў у Вышэйшай лізе, калі ў матчы з БАТЭ (2:2) выйшаў у першым тайме на замену замест траўмаванага Дзмітрыя Алісейкі. У далейшым працягваў часам з’яўляцца на полі, у тым ліку ў асноўным складзе, аднак часцей заставаўся на лаўцы запасных.

У снежні 2022 года па заканчэнні кантракта пакінуў «Мінск»^[2], аднак у студзені 2023 года падпісаў новае пагадненне са сталічным клубам^[3]. У сезоне 2023 рэгулярна гуляў у стартавым складзе мінчан.

У студзені 2024 года падпісаў кантракт на 2,5 гады з яраслаўскім «Шыннікам»^[4].

Міжнародная кар’ера

21 верасня 2022 года дэбютаваў у моладзевай зборнай Беларусі, адгуляўшы ўсе 90 хвілін у таварыскім матчы супраць Расіі (1:6).

Статыстыка выступленняў

Сезон	Дывізіён	Клуб	Краіна	Матчы	Галы
2019	дубль	Мінск		10	1
2020	дубль	Мінск		17	1
2021	Д1	Мінск		8	0
2022	Д1	Мінск		9	0
2023	Д1	Мінск		27	0