Гірчоўнік татарскі

Гірчо́ўнік татарскі, гірчоўнік похвенны^[1][2] (Conioselinum tataricum) шматгадовая травяністая расліна з роду Гірчоўнік (Conioselinum) сямейства Парасонавыя (Apiaceae).

Гірчоўнік татарскі
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Парасонакветныя Сямейства:  Парасонавыя Род:  Гірчоўнік Від:  Гірчоўнік татарскі
Міжнародная навуковая назва
Conioselinum tataricum Hoffm.
Сінонімы
Conioselinum boreale Schischk. Conioselinum chinense ssp. boreale (Schischk.) A. Love & D. Love Conioselinum latifolium Rupr. Conioselinum vaginatum Thell.
Сістэматыка на Віківідах Выявы на Вікісховішчы NCBI   63002 GRIN   t:446623 IPNI   840650-1 TPL   kew-2734144

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Батанічнае апісанне

Расліна мае прамастаячае сцябло вышынёй 50—150^[2] см, цыліндрычнай формы, каленчата сагнутае ў вузлах, з чаргавана размешчаным складаным трохкутным перыстым лісцем. Ніжняе лісце на чаранках, верхняе — сядзячае. Суквецце сабрана ў пэндзлік. Кветкі памерам да 1 см ад белага да чырвонага колеру^[3]. Цвіце ў чэрвені — ліпені. Пладанашэнне ў жніўні^[4]. Плод — голы бліскучы віслаплоднік, які пры выспяванні распадаецца на 2 палавіны з 5-ю крылаткамі^[2].

Жыццёвае асяроддзе

Гірчоўнік татарскі расце ў вільготных месцах на берагах яроў, рэк і ручаёў, сярод кустоў ці на лясных палянах, на лугах^[3][4].

Арэал

Еўрасібірскі тайговы від, распаўсюджаны ў Сярэдняй (ўсход) і Усходняй (поўнач) Еўропе і Сібіры. На тэрыторыі Беларусі знаходзіцца ў асобных ізаляваных месцах паблізу паўднёва-заходняй мяжы арэалу. Вядомы ў Верхнядзвінскім, Віцебскім, Валожынскім, Лёзненскім, Ашмянскім і Смаргонскім раёнах. Маюцца старыя гербарныя зборы з Горацкага раёна Магілёўскай вобласці^[4].

Ахова

Расліна ахоўваецца ў наступных краінах і рэгіёнах^[3]:

• Беларусь
• Уладзімірская вобласць
• Валагодская вобласць
• Усходняя Фенаскандыя
• Кастрамская вобласць
• Латвія
• Ліпецкая вобласць
• Маскоўская вобласць
• Мурманская вобласць
• Украіна
• Закарпацкая вобласць Украіны
• Эстонія
• Яраслаўская вобласць

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 40. — 160 с. — 2 350 экз. — у крыніцы пад назвай Conioselinum vaginatum
2. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
3. Conioselinum tataricum Hoffm. Архівавана 13 жніўня 2010.
4. Гірчоўнік татарскі ў Чырвонай кнізе Беларусі Архівавана 22 красавіка 2008.