Генадзь Якаўлевіч Кляўко

У Вікіпедыі ёсць артыкулы пра іншых людзей з прозвішчам Кляўко.

Генадзь Якаўлевіч Кляўко́ (28 лістапада 1931 (афіц. 1 мая 1932), в. Варонічы Пухавіцкага раёна Мінскай вобласці — 21 жніўня 1979) — беларускі паэт , перакладчык, дзіцячы празаік , журналіст.

Генадзь Якаўлевіч Кляўко
Асабістыя звесткі
Дата нараджэння	28 лістапада 1931(1931-11-28) ці 1932[1]
Месца нараджэння	Варонічы, Цітвянскі сельсавет, Пухавіцкі раён, Беларуская ССР, СССР
Дата смерці	21 жніўня 1979(1979-08-21)
Месца смерці	Мінск, Беларуская ССР, СССР
Грамадзянства	БССР
Альма-матар	філалагічны факультэт БДУ Рудзенская сярэдняя школа (1950)
Месца працы	Сельская газета Вожык Полымя
Прафесійная дзейнасць
Род дзейнасці	мовазнавец, перакладчык, паэт, дзіцячы пісьменнік, журналіст, пісьменнік
Гады творчасці	1950-1979
Мова твораў	беларуская
Грамадская дзейнасць
Член у	Саюз пісьменнікаў СССР Саюз беларускіх пісьменнікаў
Медыяфайлы на Вікісховішчы

Біяграфія

Памятная таблічка на Рудзенскай школе ў гонар беларускага паэта Генадзя Кляўко.

Нарадзіўся ў сям’і Якава Сафронавіча Кляўко і Марыі Іванаўны (Доўгай). Вучыўся ў Рудзенскай сярэдняй школе (скончыў у 1950 годзе), потым на філалагічным факультэце БДУ (скончыў у 1955 годзе). З 1954 да 1963 гг. працаваў літаратурным рэдактарам у газеце «Калгасная праўда», з 1961—1973 гг. — літсупрацоўнікам, адказным сакратаром часопіса «Вожык», з 1973 да 1979 — намеснікам галоўнага рэдактара літаратурнага часопіса «Полымя».^[2]

Член Саюза пісьменнікаў БССР з 1964 года.

Творчасць

У рэспубліканскім друку з вершамі выступіў у 1950 г. Аўтар зборнікаў вершаў «Абветраныя далягляды» (1962), «Сто крокаў» (1967), зборнікаў вершаў і паэм «Прыстань» (1974), «Плуг» (1978), «Падкова над парогам» (выбранае, 1979), «Вязьмо» (1984), зборнікаў гумарыстычных вершаў і мініяцюр «Лайдак і кнопкі» (1964), «Каб не сурочыць» (1971), «Што праўда, то не грэх…» (1971). Для дзяцей выдаў кніжку вершаў «Першы салют» (1964).

Перакладаў на беларускую мову творы пісьменнікаў народаў СССР. У 1975 г. у яго перакладзе выйшаў зборнік паўднёва-асецінскай паэзіі «Трубіць алень», у 1986 годзе выдадзены зборнік перакладу вершаў Касты Хетагурава «Асецінская ліра».

Зноскі

1. Národní autority České republiky Праверана 25 красавіка 2025.

   <a href='https://wikidata.org/wiki/Track:Q13550863'></a>
2. Кляўко Генадзь // Беларускія пісьменнікі…