Даная

Даная (стар.-грэч.: Δανάη) — у старажытнагрэчаскай міфалогіі дачка аргаскага цара Акрысія, маці Персея. Паводле міфа, Акрысію была прадказаная смерць ад рукі ўнука, таму ён зняволіў Данаю у меднай вежы, куды не мог зазірнуць ніхто са смяротных. Зеўс пракраўся ў вежу ў выглядзе залатога дажджу, і ад яго Даная нарадзіла Персея. Міф аб Данаі паслужыў сюжэтам многіх твораў мастакоў эпохі Адраджэння (Карэджа, Тыцыяна, Рэмбранта і інш.)

Матыў міфа часткова выкарыстаны Адамам Міцкевічам у апавяданні "Жывіля", галоўную гераіню якой бацька таксама пагражае забіць, калі яна не назаве імя свайго каханка (аналогія з Данаяй праведзеная самім аўтарам на пачатку апавядання), хаця пра цяжарнасць Жывілі не гаворыцца наўпрост.

Даная

Літаратура

Спасылкі

Wikiwand - on