Дар’я Трайдэн

Дар’я Міхайлаўна Трайдэн (нар. 4 сакавіка 1995, Гродна) — беларуская пісьменніца.

Дар'я Трайдэн
Асабістыя звесткі
Дата нараджэння	4 сакавіка 1995(1995-03-04) (30 гадоў)
Месца нараджэння	Гродна, Гродзенская вобласць, Беларусь
Грамадзянства	Беларусь
Альма-матар	факультэт журналістыкі БДУ
Прафесійная дзейнасць
Род дзейнасці	пісьменніца, журналістка
Прэміі	Дэбют (2019)

Біяграфія

Нарадзілася 4 сакавіка 1995 года ў Гродне. Жыве ў Мінску.

У 2017 годзе скончыла факультэт журналістыкі БДУ па спецыяльнасці «Журналістыка (міжнародная)», у 2018 годзе — другі курс «Школы маладога пісьменніка» ад Саюза беларускіх пісьменнікаў^[1].

Феміністка і ЛГБТ-актывістка, у 2016 годзе была піяршчыцай і адной з арганізатарак квір-фестывалю DOTYK, пазней — каардынатаркай інфармацыйнага і культурнага кірункаў ініцыятыўнай групы «Ідэнтычнасць і права»^[2].

Літаратурная дзейнасць

Піша вершы і прозу на рускай і беларускай мовах.

Друкавалася ў літаратурных часопісах «Маладосць», «Новый мир», «ПрайдзіСвет», альманахах «Паміж» і «Першацвет», часопісе PARTisan^[3].

У 2018 годзе выпусціла зборнік апавяданняў на беларускай мове «Крыштальная ноч»^[4][5].

Узнагароды

У 2018 годзе стала лаўрэаткай Міжнароднага конкурсу «Першацвет» у намінацыі «проза»^[6].

У 2019 годзе атрымала за кнігу «Крыштальная ноч» прэмію «Дэбют» Беларускага ПЭН-цэнтра^[7].

Зноскі

1. http://prajdzisvet.org/persons/t/darja-trajden.html (нявызн.). Праверана 3 студзеня 2024.
2. Дар’я Трайдэн  (бел.). 34mag.net. Праверана 3 студзеня 2024.
3. 2015: ЯК РОБЯЦЦА БАЧНЫМІ (руск.)  (нявызн.) ?(недаступная спасылка). Архівавана з першакрыніцы 3 студзеня 2024. Праверана 3 студзеня 2024.
4. Трайдэн Дарʼя. Крыштальная ноч: KNIHI.BY. Беларускія кнігі (англ.). knihi.by. Праверана 3 студзеня 2024.
5. HL. Гродзенскія сандалі, віно на разліў і лета ў вёсцы: шукаем аскепкі крышталю ў кнізе Дар’і Трайдэн “Крыштальная ноч”  (бел.). Hrodna.life (25 снежня 2023). Праверана 3 студзеня 2024.
6. Названы победители конкурса молодых литераторов "Першацвет" (нявызн.). БЕЛТА (1 сакавіка 2018).
7. К, А.. Гродзенка атрымала літаратурную прэмію "Дэбют" за лепшую кнігу прозы  (бел.). Hrodna.life (27 сакавіка 2019). Праверана 3 студзеня 2024.