Дварышчанскі сельсавет (Расонскі раён)

У паняцця ёсць і іншыя значэнні, гл. Дварышчанскі сельсавет.

Двары́шчанскі сельсавет — былая адміністрацыйна-тэрытарыяльная адзінка ў складзе Расонскага раёна Віцебскай вобласці Беларусі. Адміністрацыйны цэнтр — вёска Дворышча.

Дварышчанскі сельсавет
Краіна	Беларусь
Уваходзіць у	Расонскі раён
Уключае	14 населеных пунктаў
Адміністрацыйны цэнтр	Дворышча
Дата ўтварэння	20 жніўня 1924
Дата скасавання	8 красавіка 2004
Насельніцтва	487 чал. (1999)
Часавы пояс	UTC+03:00
Код аўтам. нумароў	2

Утвораны 20 жніўня 1924 года як Чырванаборскі сельсавет у складзе Дрэтунскага раёна Полацкай акругі БССР. Цэнтр — вёска Чырванабор’е. З 3 ліпеня 1925 года ў складзе Краснапольскага, з 4 жніўня 1927 года ў складзе Расонскага раёнаў Полацкай акругі. У 1927 годзе цэнтр сельсавета перанесены ў вёску Дворышча. Пасля скасавання акруговай сістэмы 26 ліпеня 1930 года ў Расонскім раёне БССР. З 21 чэрвеня 1935 года ў складзе Расонскага раёна Полацкай акругі, з 20 лютага 1938 года — Віцебскай вобласці, з 20 верасня 1944 года — Полацкай вобласці, з 8 студзеня 1954 года — Віцебскай вобласці. З 25 снежня 1962 года сельсавет у складзе Полацкага раёна, з 6 студзеня 1965 года ў складзе адноўленага Расонскага раёна. 7 чэрвеня 1968 года перайменаваны ў Дварышчанскі сельсавет^[1]. На 1 студзеня 1974 года ў складзе сельсавета 18 населеных пунктаў^[2]. 8 красавіка 2004 года скасаваны, тэрыторыя далучана да Краснапольскага (12 населеных пунктаў: Байдзіна, Гарадзішча, Горы, Дворышча, Жалезнікі, Казлы, Красты, Пакоціна, Прудок, Рудня, Рум, Трыполле) і Янкавіцкага (2 населеныя пункты: Межна і Чаропаўка) сельсаветаў^[3].

На момант скасавання ў склад сельсавета ўваходзілі 14 населеных пунктаў.

Зноскі

1. Рашэнне выканкома Віцебскага абласнога Савета дэпутатаў працоўных ад 7 чэрвеня 1968 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1968, № 20 (1214).
2. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 59. — 248 с. — 10 000 экз.
3. Решение Витебского областного Совета депутатов от 8 апреля 2004 г. № 55 Об изменении административно-территориального устройства районов Витебской области (нявызн.)(недаступная спасылка). Архівавана з першакрыніцы 5 кастрычніка 2021. Праверана 20 ліпеня 2021.