Дзвінская зямля

Дзві́нская зямля́ - гістарычная вобласць на Русі ў басейне Паўночнай Дзвіны ў 11—15 ст.

Уключала частку сучаснай Архангельскай вобласці на поўнач ад Волга-Паўночнадзвінскага водападзела — «валокі» (называлася таксама Завалочча). Насельніцтва займалася земляробствам, пушным і рыбным промысламі.

З 11 ст. уладанне Ноўгарада. У 14—15 ст. за валоданне Дзвінскай зямлёю з Ноўгарадам сапернічала Масква. У 1478 далучана да Маскоўскага вялікага княства.

Літаратура

• Дзвінская зямля // Беларуская энцыклапедыя: У 18 т. Т. 6: Дадаізм — Застава / Рэдкал.: Г. П. Пашкоў і інш. — Мн. : БелЭн, 1998. — Т. 6. С. 100.
• Заволочье, новгородская область // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.