Паўночная Дзвіна

Паўно́чная Дзвіна́ (руск.: Се́верная Двина́) — рака на поўначы Еўрапейскай частк Расіі. Даўжыня 744 км.

Паўночная Дзвіна
Характарыстыка
Даўжыня	744 км
Басейн	357 000 км²
Расход вады	3 490 м³/с
Вадацёк
Выток	Юг (рака) і Сухана
• Каардынаты	60°43′56″ пн. ш. 46°19′49″ у. д.HGЯO
Вусце	Дзвінская губа
• Каардынаты	64°32′00″ пн. ш. 40°29′00″ у. д.HGЯO
Размяшчэнне
Водная сістэма	Дзвінская губа
Краіна	Расія
Код у ДВР	03020100312103000005014
выток вусце
Медыяфайлы на Вікісховішчы

Назва

Участак Паўночнай Дзвіны ад зліцця Суханы і Юга да ўпадзення Вычагды (каля горада Котлас) мае назву Малая Паўночная Дзвіна, участак ад Котласа і да вусця — Вялікая Паўночная Дзвіна.

Гідраграфія

Утвараецца зліццём рэк Сухана і Юг (каля горада Вялікі Усцюг у Валагодскай вобласці). Далей цячэ на поўнач, у Архангельскую вобласць. Каля горада Котлас зліваецца з Вычагдай, пасля чаго паварочвае на паўночны захад, а затым паступова на поўнач. Амаль на самім поўначы зліваецца з Пінегай. Дэльта плошчай каля 900 км² пачынаецца ад Навадзвінска. Каля Архангельска і Северадзвінска ўпадае ў Дзвінскую губу Белага мора.

Асноўныя прытокі: Вычагда, Пінега, Вага, Ваеньга. Злучаная праз раку Сухана, возера Кубенскае і інш. з Волга-Балтыйскім водным шляхам (Паўночна-Дзвінская водная сістэма), праз раку Пінега з ракой Кулой.

Уплыў марскіх прыліваў да вусця р. Пінега. Ледастаў ад канца кастрычніка — пачатку лістапада да пачатку мая.

На рацэ

У вярхоўях Паўночнай Дзвіны размешчаныя гарады Вялікі Усцюг, Котлас, Сальвычагодск; паблізу вусця — Навадзвінск, Архангельск, Северадзвінск. Суднаходная на ўсім працягу.