Дзмітрый Уладзіміравіч Макар

Дзмітрый Макар (нар. 1 кастрычніка 1981, Мінск) — беларускі футбаліст (абаронца) і трэнер. У цяперашні час пацуе трэнерам у клубе «Іслач».

Дзмітрый Макар
Поўнае імя	Дзмітрый Уладзіміравіч Макар
Нарадзіўся	1 кастрычніка 1981(1981-10-01)[1] (43 гады) Мінск, Беларуская ССР, СССР
Грамадзянства	Беларусь
Рост	183 см
Вага	75 кг
Пазіцыя	абаронца, паўабаронца
Інфармацыя пра клуб
Клуб	Іслач
Пасада	трэнер
Клубная кар’ера[* 1]
1999 Змена-БАТЭ (Мінск) 5 (0) 2000 Дарыда (Ждановічы) 9 (2) 2001—2002 Зорка-ВА-БДУ (Мінск) 30 (7) 2003—2004 Тарпеда-СКА (Мінск) 53 (9) 2005 Шахцёр (Салігорск) 2 (0) 2006—2007 Нёман (Гродна) 33 (8) 2007—2009 Мінск 41 (10) 2009—2012 Брэст 69 (8) 2012 Гарадзея 14 (3) 2013—2014 Рэчыца-2014 54 (12) 2015—2016 Іслач (Мінскі раён) 34 (4)
Трэнерская кар’ера
2021— Іслач (Мінскі раён) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 14 студзеня 2022.

Клубная кар’ера

Выхаванец мінскай школы «Змена», дэбютаваў у Вышэйшай лізе ў 2002 годзе ў складзе клуба «Зорка-ВА-БДУ». Пазней гуляў за мінскае «Тарпеда-СКА», у 2005 годзе ў складзе салігорскага «Шахцёра» стаў чэмпіёнам Беларусі, хоць і правёў усяго два матчы. У 2006 стаў найлепшым бамбардзірам гродзенскага «Нёмана», улетку 2007 года вярнуўся ў «Мінск». На наступны год дапамог мінчанам вярнуць месца ў Вышэйшай лізе.

У сярэдзіне 2009 года перайшоў у брэсцкае «Дынама», дзе спачатку быў іграком асновы, але ў сезоне 2012 страціў месца ў складзе і папоўніў склад першалігавай «Гарадзеі». У 2013 стаў іграком рэчыцкага «Ведрыча-97», дзе змяніў звыклае амплуа паўабаронцы на пазіцыю левага абаронцы, стаў адным з лідараў каманды і яе капітанам. У сезоне 2014 дапамог рэчыцкаму клубу (які змяніў назву на «Рэчыца-2014») заняць высокае пятае месца ў Першай лізе.

У пачатку 2015 года з-за фінансавых праблем «Рэчыцы-2014» перайшоў у «Іслач», якой дапамог выйграць Першую лігу 2015. У сакавіку 2016 года падоўжыў кантракт з «Іслаччу»^[2]. У сезоне 2016 рэдка з’яўляўся ў асноўным складзе, выступаючы ў асноўным за дубль. Таксама падчас сезона пачаў працаваць трэнерам юнацкай каманды «Іслачы». У студзені 2017 года завяршыў кар’еру і поўнасцю перайшоў на трэнерскую працу^[3].

Трэнерская кар’ера

У лютым 2018 года па выніках справы аб дагаварных матчах атрымаў ад Дысцыплінарнага камітэта АБФФ двухгадовую дыскваліфікацыю^[4], у сувязі з чым перайшоў на працу ў дзіцячую футбольную школу^[5].

З 2021 года пачаў працаваць трэнерам у штабе асноўнай каманды «Іслачы». У студзені 2022 года стала вядома, што Макар застанецца ў штабе на наступны сезон^[6].

Дасягненні

• 01 Чэмпіён Беларусі: 2005
• Пераможца Першай лігі чэмпіянату Беларусі: 2008, 2015