Дзмітрый Сяргеевіч Варанюк

Дзмітрый Сяргеевіч Варанюк (нар. 23 мая 1987, Ташкент, Узбекістан) — беларускі дзяржаўны службовец і дэпутат.

Дзмітрый Сяргеевіч Варанюк
Нараджэнне	1987

У Вікіпедыі ёсць артыкулы пра іншых людзей з прозвішчам Варанюк.

Біяграфія

Нарадзіўся 23 мая 1987 года ў горадзе Ташкент Рэспублікі Узбекістан^[1].

Скончыў Магілёўскі дзяржаўны ўніверсітэт імя А. А. Куляшова, Акадэмію кіравання пры Прэзідэнце Рэспублікі Беларусь^[1].

Праходзіў тэрміновую службу ў Узброеных Сілах Рэспублікі Беларусь^[1]. Працоўную дзейнасць пачаў сакратаром першаснай арганізацыі з правамі раённага камітэта БРСМ Магілёўскага дзяржаўнага ўніверсітэта імя А. А. Куляшова; быў першым сакратаром Ленінскага райкама БРСМ г. Магілёва, першым сакратаром Магілёўскага абкама БРСМ, сакратаром ЦК БРСМ, першым сакратаром Мінскага абкама БРСМ, першым сакратаром ЦК БРСМ^[1].

Быў членам Савета Рэспублікі Нацыянальнага сходу Беларусі 7-га склікання^[1].

Намеснік дырэктара — кіраўнік Прэс-цэнтра РУП «Дом прэсы»^[1].

Узнагароды

Атрымліваў падзякі Прэм’ер-міністра Рэспублікі Беларусь, Міністэрства культуры, Міністэрства гандлю^[1].