Дзмітрый Віктаравіч Турлін

Дзмітрый Турлін (нар. 8 верасня 1985, Бабруйск) — беларускі футбаліст (паўабаронца) і трэнер.

Дзмітрый Турлін
Поўнае імя	Дзмітрый Віктаравіч Турлін
Нарадзіўся	8 верасня 1985(1985-09-08)[1] (40 гадоў) Бабруйск, Магілёўская вобласць, Беларуская ССР, СССР
Грамадзянства	Беларусь
Рост	175 см
Вага	68 кг
Пазіцыя	паўабаронца
Клубная кар’ера[* 1]
2002—2005 Белшына (Бабруйск) 24 (0) 2004 →  Дняпро-ДЮСШ-1 (Рагачоў) 13 (2) 2006 Камунальнік (Слонім) 23 (3) 2007—2008 Белшына (Бабруйск) 46 (6) 2009—2010 Дняпро (Магілёў) 36 (6) 2011—2012 Белшына (Бабруйск) 45 (2) 2013 Гарадзея 7 (0) 2013—2014 Хімік (Светлагорск) 28 (5) 2014—2015 Белшына (Бабруйск) 37 (4) 2016 Нафтан (Наваполацк) 3 (0) 2016—2019 Белшына (Бабруйск) 65 (8)
Трэнерская кар’ера
2020—2023 Белшына (Бабруйск) трэнер
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 9 красавіка 2024.

Клубная кар’ера

Выхаванец бабруйскага футбола, з перапынкамі гуляў за «Белшыну». У 2009 годзе з магілёўскім «Дняпром» атрымаў бронзавы медаль чэмпіянату 2009, а на наступны год паспяхова гуляў у Лізе Еўропы. У студзені 2011 года вярнуўся у бабруйскі клуб.

У лютым 2013 года падпісаў кантракт з «Гарадзеяй»^[2]. У жніўні 2013 года пакінуў «Гарадзею»^[3] і ў хуткім часе далучыўся да светлагорскага «Хіміка».

У складзе «Хіміка» трывала гуляў у аснове. У ліпені 2014 года ў чарговы раз стаў іграком «Белшыны»^[4] і неўзабаве замацаваўся на пазіцыі правага паўабаронцы. У сезоне 2015 стаў пераважна выхадзіць на замену, часам выкарыстоўваўся на пазіцыі нападніка.

У лютым 2016 года пасля прагляду падпісаў кантракт з мікашэвіцкім «Гранітам»^[5], але ўжо праз месяц разарваў кантракт з палешукамі і далучыўся да наваполацкага «Нафтана»^[6]. Сезон 2016 распачаў у аснове «Нафтана», але хутка страціў месца ў старце і стаў выступаць пераважна за дубль. У ліпені 2016 года пакінуў «Нафтан»^[7] і неўзабаве вярнуўся ў «Белшыну»^[8], дзе замацаваўся ў аснове, але не здолеў выратаваць клуб ад вылету ў Першую лігу. У лютым 2017 года падоўжыў кантракт з бабруйчанамі^[9]. Пачатак сезона 2017 прапусціў з-за траўмы, але ў маі вярнуўся ў строй і замацаваўся ў асноўным складзе.

У студзені 2019 зноў падоўжыў кантракт з «Белшынай»^[10]. У сезоне 2019 з’яўляўся на полі эпізадычна, па заканчэнні сезона завяршыў кар’еру.

Трэнерская кар’ера

У 2020 годзе ўвайшоў у трэнерскі штаб «Белшыны», дзе працаваў да канца 2023 года.

Дасягненні

• 03 Бронзавы прызёр чэмпіянату Беларусі: 2009
• Пераможца Першай лігі чэмпіянату Беларусі (2): 2005, 2019