Дзявочы вінаград

Дзявочы вінаград^[1], дзікі вінаград (Parthenocissus) — род кветкавых раслін сямейства Вінаградавыя (Vitaceae).

Дзявочы вінаград
Дзявочы вінаград пяцілісточкавы (Parthenocissus quinquefolia)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вінаградакветныя Сямейства:  Вінаградавыя Падсямейства:  Vitoideae Род:  Дзявочы вінаград
Міжнародная навуковая назва
Parthenocissus Planch.
Сістэматыка на Віківідах Выявы на Вікісховішчы ITIS   28601 NCBI   3606 EOL   71164 IPNI   1717-1 FW   264931

Апісанне

Дрэвавыя лістападныя, рэдка шматтадовазялёныя ліяны з лазячымі сцябламі. Лісце зубчастае, цёмна-зялёнае, на доўгіх чаранках, увосень набывае пурпуровы колер. Кветкі дробныя, зеленаватыя, двухполыя або толькі мужчынскія, з недаразвітай завяззю, сабраныя ў паўпарасоніхі ці шчыткі. Плод — дробная шарападобная цёмна-шызая ягада.

Пашырэнне

Адрозніваецца 15 відаў. Пашыраны ва ўмераных паясах Паўночнай Амерыкі, ва Усходняй Азіі і на Гімалаях. На тэрыторыі Беларусі інтрадукаваны 3 віды: дзявочы вінаград пяцілісточкавы (Parthenocissus quinquefolia), дзявочы вінаград прымацаваны (Parthenocissus inserta), дзявочы вінаград трохвостраны (Parthenocissus tricuspidata).

Асаблівасці біялогіі

Размнажаюцца атожылкамі, чаранкамі, насеннем.

Выкарыстанне

Дэкаратыўныя расліны. Вырошчваюцца для ўпрыгожання балконаў і фасадаў будынкаў, альтанак.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 93. — 160 с. — 2 350 экз.