Дзядкі валасістыя

Дзядкі́ валасістыя^[1][2] (Agrimonia pilosa) — від кветкавых раслін роду Дзядкі (Agrimonia) сямейства Ружавыя (Rosaceae).

Дзядкі валасістыя
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Rosoideae Трыба:  Sanguisorbeae Падтрыба:  Agrimoniinae Род:  Дзядкі Від:  Дзядкі валасістыя
Міжнародная навуковая назва
Agrimonia pilosa Ledeb., 1823
Сістэматыка на Віківідах Выявы на Вікісховішчы NCBI   74656 EOL   631722 GRIN   t:413505 IPNI   720300-1 TPL   rjp-8068

Батанічнае апісанне

Шматгадовая травяністая расліна вышынёй 50—150 см з тонкім сцяблом, разам з чаранкамі лісця ўкрытым доўгімі валаскамі. Лісце чаргаванае па даўжыні сцябла і ў прыкаранёвай разетцы, няпарнаперыстае, складзенае з 5—7(9)^[2] лісцікаў рамбічнай формы, з зубчастым краем і апушанай мяккімі валаскамі паверхняй.

Кветкі бледна-жоўтага колеру, з пяццю^[3] пялёсткамі, сабраныя ў коласападобнае суквецце. Плод — арэшак з прыўзнятымі шыпікамі, якія сыходзяцца ўверсе конусам.

Распаўсюджанне і экалогія

Расліна распаўсюджана ва ўмераных і трапічных зонах Еўразіі^[4]. Расце па берагах рэк і ручаёў, у хмызняках, на ўзлесках і палянах драбналістых лясоў, на лугах. Мезафіт і эўтроф^[3]. Добра пераносіць недахоп асвятлення^[3]. Цвіце ў чэрвені—ліпені^[2].

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 9. — 160 с. — 2 350 экз.
2. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
3. Репешок волосистый — Agrimonia pilosa: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
4. Germplasm Resources Information Network (GRIN-Taxonomy) (англ.)