Дзямянаўцы

Дзямя́наўцы^[1] (трансліт.: Dziamianaŭcy, руск.: Демяновцы) — вёска ў Дзятлаўскім раёне Гродзенскай вобласці. Уваходзіць у склад Парэцкага сельсавета.

Вёска Дзямянаўцы Краіна Беларусь Вобласць Гродзенская Раён Дзятлаўскі Сельсавет Парэцкі Каардынаты 53°31′21″ пн. ш. 25°05′38″ у. д.HGЯO Насельніцтва ▼89 чал. (2009) Часавы пояс UTC+3 Тэлефонны код +375 1563 Паштовыя індэксы 231466 Аўтамабільны код 4 СААТА 4223850010 Дзямянаўцы на карце Беларусі ±

Да 13 ліпеня 2007 года вёска ўваходзіла ў склад Дзямянавецкага сельсавета^[2].

Геаграфія

Знаходзіцца за 30 км на паўночны захад ад Дзятлава, 108 км ад Гродна. На захадзе вёскі возера, на ўсходзе і поўдні мяжуе з лесам. З паўночнага боку ад вёскі працякае рака Нёман, з поўдня прылягае Ліпічанская пушча, паблізу адзначана вялікая дзюна вышынёй 10-12 метраў, выцягнутая з паўночнага захаду на паўднёвы ўсход.

Аснову планіроўкі складае звілістая шырокая вуліца, забудаваная дыухбакова драўлянымі сядзібамі. Грамадскія будынкі размешчаны сярод жылля.

Насельніцтва

• 1897 год — 297 жыхароў, 33 двары.
• 1908 год — 311 жыхароў.
• 1940 год — 288 жыхароў, 72 двары.
• 1959 год — 379 жыхароў.
• 1971 год — 375 жыхароў, 104 гаспадаркі.
• 1996 год — 185 жыхароў, 87 гаспадарак.
• 2009 год — 89 чал.
• 2015 год — 82 жыхары, 51 гаспадарка.

Славутасці

• Курганны могільнік, за 1,5 км на захад ад вёскі.
• Селішча, VI—VIII ст., на заходняй ускраіне вёскі.
• Помнік землякам, якія загінулі ў Вялікую Айчынную вайну (1967).
• Сергіеўская царква (2011).