Парэцкі сельсавет (Дзятлаўскі раён)

У паняцця ёсць і іншыя значэнні, гл. Парэцкі сельсавет.

Парэ́цкі сельсавет — адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — аграгарадок (да 2009 г. вёска) Хвінявічы.

Парэцкі сельсавет
Краіна	Беларусь
Уваходзіць у	Дзятлаўскі раён
Уключае	27 населеных пунктаў
Адміністрацыйны цэнтр	Хвінявічы
Дата ўтварэння	12 кастрычніка 1940
Насельніцтва (2019)	1 299
Часавы пояс	UTC+03:00
Тэлефонны код	1563
Код аўтам. нумароў	4
Афіцыйны сайт

Гісторыя

Утвораны 12 кастрычніка 1940 года як Накрышкаўскі сельсавет у складзе Дзятлаўскага раёна Баранавіцкай вобласці БССР. Цэнтр — вёска Накрышкі. З 8 студзеня 1954 года ў Гродзенскай вобласці. 16 ліпеня 1954 года цэнтр перанесены ў вёску Парэчча, сельсавет перайменаваны ў Парэцкі сельсавет^[1]. З 25 снежня 1962 года ў складзе Слонімскага раёна. З 6 студзеня 1965 года ў складзе адноўленага Дзятлаўскага раёна. 20 сакавіка 1990 года цэнтр сельсавета быў перанесены ў вёску Хвінявічы.

13 ліпеня 2007 года ў склад сельсавета перададзены населеныя пункты — Гузні, Дзямянаўцы, Ліпічанская Пушча, Чырвоны Бор, Шаршні, Яблынька — ліквідаванага Дзямянавецкага сельсавета^[2]. 28 жніўня 2013 года ў склад сельсавета перададзены населеныя пункты — Вялікая Воля, Гута, Капці, Навасёлкі, Руда Яварская — ліквідаванага Рудаяварскага сельсавета^[3]. З 1 снежня 2019 года ў склад Парэцкага сельсавета з Беліцкага сельсавета Лідскага раёна была перададзена вёска Карытніца^[4].

Склад

Парэцкі сельсавет уключае 27 населеных пунктаў:

• Агароднікі — вёска.
• Аляксандравічы — вёска.
• Вялікая Воля — вёска.
• Ганчары — вёска.
• Гузні — вёска.
• Гута — вёска.
• Дзямянаўцы — вёска.
• Дубраўка — вёска.
• Жыбарты — вёска.
• Капці — вёска.
• Карытніца — вёска.
• Каўпінскія — вёска.
• Латышы — вёска.
• Ліпічанская Пушча — вёска.
• Навасёлкі — вёска.
• Навікі — вёска.
• Нагорнікі — вёска.
• Накрышкі — вёска.
• Парэчча — вёска.
• Разважжа — вёска.
• Раманавічы — вёска.
• Руда Яварская — вёска.
• Русакі — вёска.
• Хвінявічы — аграгарадок.
• Чырвоны Бор — вёска.
• Шаршні — вёска.
• Яблынька — вёска.

Насельніцтва

Насельніцтва сельсавета паводле перапісу 2009 года (21 населены пункт) — 1281 чалавек^[5], з іх 88,8 % — беларусы, 8,3 % — палякі, 2,6 % — рускія^[6]; паводле перапісу 2019 года (26 населеных пунктаў) — 1299 чалавек^[7].