Дзямянавецкі сельсавет

Дзямя́навецкі сельсавет — былая адміністрацыйна-тэрытарыяльная адзінка ў складзе Дзятлаўскага раёна Гродзенскай вобласці. Цэнтр — вёска Дзямянаўцы.

Дзямянавецкі сельсавет
Краіна	Беларусь
Уваходзіць у	Дзятлаўскі раён
Уключае	6 населеных пунктаў
Адміністрацыйны цэнтр	Дзямянаўцы
Дата ўтварэння	12 кастрычніка 1940
Дата скасавання	13 ліпеня 2007
Насельніцтва	419 чал. (1999)
Часавы пояс	UTC+03:00
Код аўтам. нумароў	4

Утвораны 12 кастрычніка 1940 года ў складзе Жалудоцкага раёна Баранавіцкай вобласці БССР. З 20 верасня 1944 года ў складзе Гродзенскай вобласці. З 17 красавіка 1962 года ў складзе Дзятлаўскага раёна, з 25 снежня 1962 года ў складзе Слонімскага раёна, з 6 студзеня 1965 года ў складзе адноўленага Дзятлаўскага раёна. 13 ліпеня 2007 года скасаваны, тэрыторыя далучана да Парэцкага сельсавета^[1].

На момант скасавання ў склад сельсавета ўваходзілі 6 населеных пунктаў: Гузні, Дзямянаўцы, Ліпічанская Пушча, Чырвоны Бор, Шаршні і Яблынька.