Дзямідаў (Нараўлянскі раён)

У паняцця ёсць і іншыя значэнні, гл. Дзямідаў.

Дзямі́даў^[1] (трансліт.: Dziamidaŭ, руск.: Демидов) — аграгарадок у Нараўлянскім раёне Гомельскай вобласці. Уваходзіць у склад Галоўчыцкага сельсавета.

Аграгарадок Дзямідаў Краіна Беларусь Вобласць Гомельская Раён Нараўлянскі Сельсавет Галоўчыцкі Каардынаты 51°39′31″ пн. ш. 29°16′00″ у. д.HGЯO Насельніцтва ▼281 чал. (2009) Часавы пояс UTC+3 Тэлефонны код +375 2355 Паштовыя індэксы 247818 Аўтамабільны код 3 Дзямідаў на карце Беларусі ±

Дзямідаў на Вікісховішчы

У 1924—1954 гадах цэнтр Дзямідаўскага сельсавета.

Насельніцтва

• 2004 год — 121 гаспадарка, 284 жыхары.

У культуры

Мясцовая сялянка Ганна Дуда, распавяла такую гісторыю пра палескага пана Горвата^[2]:

Быў у яго верабейка такі, баба расказвала. Напэўна, папугайчык. Бо ён гаварыў. Яны ж колісь ня ведалі, што гэта. Дык казалі — верабейка гаварушчы. І ўсё пану расказваў. Ён паазірае, што тыя слугі робляць, ды ўсё пану і раскажа, як пан прыйдзе. Верабейка. Дык тыя слугі ўзялі і зашылі яму жопу. Прыйшоў пан. А той кажа: «Шыла-шыла дый зашыла». Так і прапаў той верабей. Здох.

Гэта гісторыя дала назву кнізе падарожжаў Змітра Бартосіка «Быў у пана верабейка гаварушчы…» (2016).

Славутасці

• Аўтобусны прыпынак у стылі савецкі архітэктурны мадэрнізм.

Аўтобусны прыпынак у стылі савецкі архітэктурны мадэрнізм. Фота 2021 г.

Вядомыя асобы

• Іван Уладзіміравіч Дуда (нар. 1936)^[3] — беларускі акушэр-гінеколаг, доктар медыцынскіх навук, прафесар.
• Юрый Жыгамонт (нар. 1968) — беларускі акцёр і журналіст.
• Ала Валер’еўна Навуменка (нар. 1969) — беларускі педагог, дэпутат.