Дзімітраўскі батальён

Батальён імя Георгі Дзімітрава (ісп.: Batallón Dimitrov, балг.: Батальон "Георги Димитров", грэч. Τάγμα Δημητρόφ) — балканскі пяхотны батальён, які ўдзельнічаў у складзе Інтэрбрыгад у грамадзянскай вайне ў Іспаніі.

Дзімітраўскі батальён
Гады існавання	1936—1938
Краіна	Другая Іспанская Рэспубліка
Падпарадкаванне	Інтэрнацыянальныя брыгады
Уваходзіць у	XV інтэрбрыгада імя Аўраама Лінкальна
Тып	батальён
Заступнік	Георгі Міхайлаў Дзімітроў
Удзел у	Грамадзянская вайна ў Іспаніі

Гісторыя

Створаны ў канцы 1936 года. 31 студзеня 1937-га ўключаны ў склад XV інтэрбрыгады, баявое хрышчэнне прыняў у бітве на Хараме (абараняў правы фланг рэспубліканскіх войскаў). У ходзе бітвы батальён, як і ўся брыгада, панёс велізарныя страты^[1], у баі быў забіты яго першы камандзір Іван Паўнаў-Грэбенараў. 28 верасня 1937 года быў пераведзены ў рэзервовую групу 45-й Інтэрнацыянальнай пяхотнай дывізіі, дзе быў папоўнены добраахвотнікамі. 21 лютага 1938 пераведзены ў склад 129-й інтэрбрыгады, у якой змагаліся прадстаўнікі краін Цэнтральнай Еўропы. Расфармаваны 5 кастрычніка 1938 года, яго апошнім камандзірам быў Ёзэф Павел^[2].

Агляд

Складаўся з 800 чалавек, сярод якіх налічвалася 400 балгараў, 160 грэкаў, 25 югаславаў^[3] і 215 прадстаўнікоў іншых нацыянальнасцяў. Грэчаскія добраахвотнікі ўступілі ў батальён ужо сфарміраванай асобнай ротай (Грэцкая рота імя Рыгаса Ферэаса). Частка XV інтэрбрыгады нароўні з брытанскім і амерыканскім батальёнамі. Названы ў гонар балгарскага рэвалюцыянера Георгі Дзімітрава.

Зноскі

1. Beevor (2006) p. 210
2. Thomas (2001) p. 926
3. Народни хероји Југославије, 412. стр.