Докшыцкае ўзвышша

Докшыцкае ўзвышша — паўночная частка Мінскага ўзвышша, якая знаходзіцца ў цэнтральнай частцы Докшыцкага раёна Віцебскай вобласці. Сярэдняя вышыня — каля 200 м.

Докшыцкае ўзвышша
Каардынаты: 54°53′ пн. ш. 27°47′ у. д.HGЯO
Размяшчэнне	Беларусь
Докшыцкае ўзвышша

На захадзе ўзвышша мяжуе з Нарачана-Вілейскай нізінай, на паўночным захадзе — са Свянцянскімі градамі, на поўначы і ўсходзе — з Верхнебярэзінскай нізінай. На поўдні блізка прылягае да Плешчаніцкага ўзвышша і адмяжоўваецца ад яго далінай ракі Поні.

Трыянгулятар у найвышэйшым пункце Докшыцкага ўзвышша. (разабраны)

Максімальная вышыня ўзвышша складае 222,9 м над узроўнем мора. Вяршыня назвы не мае, знаходзіцца на заходняй ускраіне вёскі Антоны, у кіламетры на паўднёвы ўсход ад г. Докшыцы. Вяршыня пазначана металічным трыянгулятарам.

Узвышша з’яўляецца часткай водападзелу паміж рэкамі басейну Балтыйскага і Чорнага мораў, тут пачынаюцца рэкі Зуйка (басейн Нёмана) і Бярэзіна (басейн Дняпра).

Літаратура

• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мінск: БелЭн, 1996.