Домжарыцкі сельсавет

До́́мжарыцкі сельсавет — адміністрацыйна-тэрытарыяльная адзінка ў складзе Лепельскага раёна Віцебскай вобласці Беларусі. Адміністрацыйны цэнтр — вёска Домжарыцы.

Домжарыцкі сельсавет
Краіна	Беларусь
Уваходзіць у	Лепельскі раён
Уключае	11 населеных пунктаў
Адміністрацыйны цэнтр	Домжарыцы
Дата ўтварэння	20 жніўня 1924
Насельніцтва (2019)	702
Часавы пояс	UTC+03:00
Тэлефонны код	2132
Код аўтам. нумароў	2

Утвораны 20 жніўня 1924 года ў складзе Бягомльскага раёна Барысаўскай акругі БССР. З 9 чэрвеня 1927 года ў складзе Менскай акругі. Пасля скасавання акруговага падзелу 26 ліпеня 1930 года ў Бягомльскім раёне БССР. З 21 чэрвеня 1935 года ў складзе Лепельскай акругі. З 20 лютага 1938 года ў складзе Мінскай вобласці. Пасля скасавання Бягомльскага раёна 20 студзеня 1960 года ў складзе Лепельскага раёна Віцебскай вобласці (за выключэннем вёсак Бедзіна, Слабада, Федаркі, якія былі перададзены Докшыцкаму раёну)^[1]. 20 мая 1960 года да сельсавета далучана частка скасаванага Зацякляскага сельсавета (4 населеныя пункты: Барсукі, Валова Гара, Мар’янава і Чарніца)^[2]. На 1 студзеня 1974 года ў складзе сельсавета 13 населеных пунктаў^[3]. 4 сакавіка 1987 года ў склад Домжарыцкага сельсавета са Стайскага сельсавета перададзены 3 населеныя пункты (Бяседы, Верабкі, Вокана)^[4]. 29 ліпеня 1988 года 6 населеных пунктаў (вёскі Барсукі, Бяседы, Валова Гара, Верабкі, Вокана і Чарніца) перададзены ў склад Слабадскога сельсавета. 21 верасня 1999 года ў склад сельсавета са Слабадскога сельсавета вернуты вёскі Барсукі, Валова Гара і Чарніца^[5].

Насельніцтва сельсавета паводле перапісу 2009 года — 783 чалавекі^[6], з іх 96,2 % — беларусы, 3,1 % — рускія^[7]; паводле перапісу 2019 года — 702 чалавекі^[8].