Домса

До́мса — рака ў Бялыніцкім раёне Магілёўскай вобласці Беларусі, правы прыток ракі Запакулка (басейн Дняпра).

Домса
Характарыстыка
Даўжыня	8,5 км
Вадацёк
Выток
• Месцазнаходжанне	на паўднёвай ускраіне вёскі Ветка
• Каардынаты	54°03′00,40″ пн. ш. 29°50′53,40″ у. д.HGЯO
Вусце	Запакулка
• Месцазнаходжанне	за 1 км на поўдзень ад вёскі Шылавічы
• Вышыня	160,8[1] м
• Каардынаты	53°59′30″ пн. ш. 29°47′44,10″ у. д.HGЯO
Размяшчэнне
Водная сістэма	Запакулка → Няропля → Друць → Дняпро → Чорнае мора
Краіна	Беларусь
Рэгіён	Магілёўская вобласць
Раён	Бялыніцкі раён
выток вусце
— выток, — вусце

Назва

Назва Домса балцкага паходжання.

Корань Dom- таксама ў літоўскіх рачных назвах Domija (< *Domė), Dom-antas, роднасны корань Dam- у гідроніме Damaša^[2]. Корань параўноўваецца з латышскім duoms «глыбокае месца ў рацэ»^[3].

Гэты ж корань у назве Домша (рэкі ў басейнах Сожа і Дзясны)^[4], у назве жыздрынскай ракі Дамаслаўка на Верхнім Павоччы^[5] (з пашыральнікам -sl-).

Пашыральнік -s- як у рачной назве Водса (< *Vad-(u)s-a) на Верхнім Дняпры^[6].

Значэнне назвы Домсы можна перадаць як «Глыбокая (рака)» («Глыбачка»).

У басейне ракі Друць, дзе працякае Домса, балцкія назвы таксама ў рэк Няропля, Рэкта.

Гідраграфія

Даўжыня ракі 8,5 км^[7]. Пачынаецца на паўднёвай ускраіне вёскі Ветка, вусце за 1 км на поўдзень ад вёскі Шылавічы.

Ад вытоку да вёскі Вялікі Кудзін (1,9 км) рэчышча каналізаванае. Асноўны прыток — рака Баран (злева).