Няропля (рака)

У гэтага тапоніма ёсць і іншыя значэнні, гл. Няропля.

Няро́пля^[2] — рака ў Бялыніцкім раёне Магілёўскай вобласці Беларусі, левы прыток ракі Друць (басейн Дняпра).

Няропля
Характарыстыка
Даўжыня	30 км
Басейн	200 км²
Вадацёк
Выток
• Месцазнаходжанне	за 1 км на поўдзень ад вёскі Ількавічы
• Каардынаты	54°04′52″ пн. ш. 29°48′18,80″ у. д.HGЯO
Вусце	Друць
• Месцазнаходжанне	за 3 км на паўночны ўсход ад вёскі Каліноўка
• Вышыня	153,2[1] м
• Каардынаты	53°54′29,90″ пн. ш. 29°43′16,40″ у. д.HGЯO
Ухіл ракі	1,6 м/км
Размяшчэнне
Водная сістэма	Друць → Дняпро → Чорнае мора
Краіна	Беларусь
Рэгіён	Магілёўская вобласць
Раён	Бялыніцкі раён
выток вусце
— выток, — вусце
Медыяфайлы на Вікісховішчы

Назва

Назва Няропля балцкага паходжання, складаецца з дзвюх асноў^[3].

Корань Ner- у літоўскіх рачных назвах тыпу Neris, Nereta, Nerotis^[4], у балцкіх гідронімах на ўсходзе Нярус(с)а (прыток Дзясны), Нерата (возера ля дзвінскай ракі Таропы)^[5], Нераста (рака на Павоччы)^[6].

Варыянт гэтага кораня Nar- у назвах тыпу Нарач, Нароўля, літоўскіх гідронімах Narantis, Narasa, Narutis, Nar-akys, Nar-upis^[7].

Звязана з літоўскім nerti «ныраць», naras «нырок (у ваду)». Далей да індаеўрапейскага ner- «ныраць, пагружацца; нара, логвішча»^[8].

Другая аснова ў назве Няропля звязаная з літоўскім upė, прускім api «рака»^[9], якія ў гідронімах Каспля, Вопь, Упа.

Значэнне назвы Няропля (< Ner-upė) можна перадаць як «Глыбокая рака».

Гідраграфія

Даўжыня ракі 30 (25^[2][10]) км. Плошча вадазбору 200 км². Сярэдні нахіл воднай паверхні 1,6 м/км. Пачынаецца за 1 км на поўдзень ад вёскі Ількавічы, вусце за 3 км на паўночны ўсход ад вёскі Каліноўка. Рэчышча, за выключэннем 2 км у вярхоўі, каналізаванае. Цячэ праз возера Няропля. Вадазбор на поўначы Цэнтральнабярэзінскай раўніны. Асноўны прыток — Запакулка (злева).