Дражнаўскі сельсавет (Старадарожскі раён)

У паняцця ёсць і іншыя значэнні, гл. Дражнаўскі сельсавет.

Дра́жнаўскі сельсаве́т — адміністрацыйна-тэрытарыяльная адзінка ў складзе Старадарожскага раёна Мінскай вобласці Беларусі. Цэнтр — аграгарадок (да 2011 г. вёска) Дражна.

Дражнаўскі сельсавет
Краіна	Беларусь
Статус	сельсавет
Уваходзіць у	Старадарожскі раён
Уключае	6 населеных пунктаў
Адміністрацыйны цэнтр	Дражна
Дата ўтварэння	16 ліпеня 1954
Старшыня	Балацько Алег Мікалаевіч
Насельніцтва (2019)	1 084
Часавы пояс	+2
Код аўтам. нумароў	5
Афіцыйны сайт

Геаграфія

Сельсавет мяжуе з Шчыткавіцкім, Новадарожскім, Старадарожскім сельсаветамі Старадарожскага раёна і землямі Асіповіцкага раёна Магілёўскай вобласці.

Гісторыя

Дражнаўскі сельсавет утвораны 16 ліпеня 1954 года ў складзе Старадарожскага раёна Мінскай вобласці БССР шляхам аб’яднання скасаваных Залужскага і Падарэскага сельсаветаў^[1]. З 25 снежня 1962 года ў складзе Слуцкага раёна. З 30 ліпеня 1966 года ў складзе адноўленага Старадарожскага раёна. 11 чэрвеня 1984 года скасавана вёска Паўлаўка^[2].

Населеныя пункты

У склад сельсавета ўваходзяць 6 населеных пунктаў:

• аграгарадок Дражна
• аграгарадок Залужжа
• аграгарадок Падарэссе
• вёска Зялёная Дуброва
• вёска Карыцішча
• вёска Ляды

Насельніцтва

Насельніцтва сельсавета паводле перапісу 2009 года — 1425 чалавек^[3], з іх 92,3 % — беларусы, 5,2 % — рускія, 1,3 % — украінцы^[4]; паводле перапісу 2019 года — 1084 чалавеки^[5].

Вытворчая сфера

• Залужскае лясніцтва ДВЛГУ «Старадарожскі вопытны лясгас»
• ААТ «Залужжа»
• ААТ «Арэса-агра»

Сацыяльна-культурная сфера

• Ахова здароўя: Залужскі і Падарэскі фельчарска-акушэрскія пункты, Дражнаўская ўрачэбная амбулаторыя, Дражнаўская аптэка
• Адукацыя: ДУА «КПК Падарэскі дзіцячы сад-сярэдняя школа», ДУА «Залужская сярэдняя школа», ДДУ «Залужскі яслі-сад»
• Сацыяльная абарона: Дома сацыяльных паслуг у в. Зялёная Дуброва, в. Карыцішча
• Культура: Падарэскі сельскі Дом культуры, Залужская сельская бібліятэка-клуб, Дражнаўская і Падарэская сельскія бібліятэкі

Зноскі

1. Указ Президиума Верховного Совета БССР от 16 июля 1954 г. Об объединении сельских советов Минской области // Сборник законов Белорусской ССР и указов Президиума Верховного Совета Белорусской ССР: 1938-1955 гг. — Мн.: Изд. Президиума Верхов. Совета БССР, 1956. — 347 с.
2. Рашэнне выканкома Мінскага абласнога Савета народных дэпутатаў ад 11 чэрвеня 1984 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1984, № 19 (1789).
3. Колькасць насельніцтва населеных пунктаў Мінскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Мінскай вобласці Беларусі паводле перапісу 2019 года