Дрысвята

Дрысвята, Друкша — рака ў Браслаўскім раёне Віцебскай вобласці, левы прыток ракі Дзісна (басейн Заходняй Дзвіны).

Дрысвята
Характарыстыка
Даўжыня	44 км
Басейн	1 020 км²
Вадацёк
Выток
• Каардынаты	55°34′08″ пн. ш. 26°37′14″ у. д.HGЯO
Вусце	Дзісна
• Каардынаты	55°18′15″ пн. ш. 26°50′48″ у. д.HGЯO
Размяшчэнне
Водная сістэма	Дзісна → Дзвіна → Рыжскі заліў
Краіна	Беларусь[1]
— выток, — вусце

Даўжыня ракі 44 км. Плошча вадазбору 1020 км². Сярэднегадавы расход вады ў вусці 6,1 м³/с. Сярэдні нахіл воднай паверхні 0,4 ‰.

Агульныя звесткі

Пачынаецца каля вёскі Грытуны (да пабудовы ГЭС Дружбы народаў ў 1953 годзе рака выцякала з возера Дрысвяты). Дзялянка былога рэчышча паміж вёскамі Ёдзішкі і Вусце цяпер лічыцца прытокам Дрысвяты — Дрысвяткай. Верхняе цячэнне ракі ў межах Браслаўскай грады, ніжняе — на захадзе Полацкай нізіны, вусце каля вёскі Казяны. На вадазборы 139 азёраў, якія займаюць плошчу каля 125 км² (12 % вадазбору).

Даліна пераважна трапецападобная, шырынёй 200—250 м. Абалона перарывістая, яе пераважная шырыня 50—100 м. Рэчышча ўмерана звілістае, паміж вёскамі Кякшты (вусце Прорвы) і Ёдзішкі на працягу 8,9 км каналізаванае. Шырыня рэчышча ў межань да 14 м. Цячэ праз азёры Доўгае, Высокае^[2] (паміж імі ў 1961 годзе пабудавана ГЭС «Шлях да камунізму»^[3]) і Богінскае. Асноўны прыток Прорва (леваруч).

У вадазборы ракі Дрысвята, на беразе возера Дрысвяты (тэрыторыя Літвы) была пабудаваная Ігналінская АЭС.