Дубраўка (Зубрэвіцкі сельсавет)

У паняцця ёсць і іншыя значэнні, гл. Дубраўка.

Ду́браўка — вёска ў Аршанскім раёне Віцебскай вобласці. Уваходзіць у склад Зубрэвіцкага сельсавета.

Вёска Дубраўка Краіна Беларусь Вобласць Віцебская Раён Аршанскі Сельсавет Зубрэвіцкі Каардынаты 54°22′ пн. ш. 30°14′ у. д.HGЯO Насельніцтва ▼10 чал. (2019) Часавы пояс UTC+3 Тэлефонны код +375 216[1] Паштовы індэкс 211005[2] Аўтамабільны код 2 СААТА 2236814026 Дубраўка на карце Беларусі ±

Гісторыя

Згадваецца пад 7-м індыктам (прыпадае на 1429 або 1444, звычайна дакумент датуюць 1444 годам) у тастаменце князя Дзмітрыя Друцкага-Зубравіцкага на карысць жонкі Соф’і, дзяцей і нашчадкаў. Паводле тастамента ўладанні князя Дзмітрыя складаліся з «двароў» Зубравічы і Хімы, «зямлі пустой» Дубровенскай, «двароў» Быхаў (пазнейшы Новы Быхаў), Добасна і даннікаў у Турцы (сярод зямель Свіслацкай воласці).^[3]

У 1669 годзе згадваецца як вёска Дуброўкі (Дубраўкі) у складзе Замошскай воласці ва ўладанні Шклоўскага дамініканскага кляштара ў Аршанскім павеце Вялікага Княства Літоўскага^[4].

З 1772 года ў складзе Баранскай воласці Аршанскага павета Магілёўскай губерні^[5]. Затым у складзе Беларускай і Віцебскай губерняў.

З 1938 года ў складзе Аршанскага раёна Віцебскай вобласці. Да 8 красавіка 2004 года вёска ўваходзіла ў склад Дубраўскага сельсавета.^[6]

Зноскі

1. Белтэлекам (руск.)
2. Белпошта (руск.)
3. Wolff 1895, p. 57.
4. НГАБ, ф. 1875, воп. 1, спр. 5, с. 314
5. Списки землевладельцев и имений Могилевской губернии. Форум. (руск.)
6. Рашэнне Віцебскага абласнога Савета дэпутатаў ад 8 красавіка 2004 г. № 55 (руск.)