Жак Вільрэ

Жак Вільрэ (таксама распаўсюджана імя Жак Віерэ; фр. Jacques Villeret, сапраўднае імя Жакі Буфрура, Jacky (Mohamed) Boufroura; 6 лютага 1951, Лош — 28 студзеня 2005, Эўрэ) — французскі кінаакцёр, комік.

Жак Вільрэ
Дата нараджэння	6 лютага 1951(1951-02-06)[1][2][…]
Месца нараджэння	Тур, дэпартамент Эндр і Луара, Францыя[3]
Дата смерці	28 студзеня 2005(2005-01-28)[4][2][…] (53 гады)
Месца смерці	Эўрэ, дэпартамент Эр, Францыя[5]
Месца пахавання	Q110346113?[6]
Грамадзянства	Францыя
Дзеці	Alexandre Villeret[d]
Адукацыя	Вышэйшая нацыянальная кансерваторыя драматычнага мастацтва Conservatoire à rayonnement régional de Tours[d]
Прафесія	акцёр, тэатральны акцёр, кінаакцёр, кінапрадзюсар, тэлеакцёр
Узнагароды	Прэмія «Сезар» за найлепшую мужчынскую ролю другога плана[d] (1979) прэмія «Сезар» за найлепшую мужчынскую ролю (1999) премія «Люмьер» найлепшаму акцёру[d] (1999)
IMDb	ID 0898317
Медыяфайлы на Вікісховішчы

Вядомы дзякуючы фільмам «Суп з капустай», «Вячэра з прыдуркам».

З 1972 года прымаў актыўны ўдзел у тэатральных пастаноўках у Парыжы, Рэймсе, Ліёне. Неўзабаве рэжысёр Іў Буасэ запрасіў яго зняцца ў фільме «Здарэнняў няма / R.A.S.». Затым у 1976 годзе ён зняўся ў фільме Клода Лелуша «Добры і злыя», удзел у якім стаў яго першай вялікай роляй у кіно і пачаткам шматгадовага супрацоўніцтва з рэжысёрам.

Тыпаж Вільрэ — немудрагелісты таўстун, аматар віна — замацаваў за ім вызначанае жанравае амплуа, зрабіў яго акцёрам другога плана.

Ён стаў адным з папулярных французскіх комікаў пасля фільма Клода Зідзі «Дурны, але дысцыплінаваны». У фільме «Суп з капустай» Вільрэ зняўся разам з легендай французскага кіно Луі дэ Фюнесам.

Паралельна ён працягваў іграць у тэатры, дзе мог рэалізаваць сябе, адышоўшы ад вузкага амплуа.

У 1998 годзе фільм з удзелам Вільрэ «Вячэра з прыдуркам» меў вялікі поспех і сабраў у Францыі дзевяць мільёнаў гледачоў.