Жанна Мікалаеўна Чарняўская

У Вікіпедыі ёсць артыкулы пра іншых людзей з прозвішчам Чарняўская.

Жанна Мікалаеўна Чарняўская (нар. 18 ліпеня 1971, Барысаўшчына, Хойніцкі раён, Гомельская вобласць, БССР) — беларуская работніца мясцовага кіравання, дэпутат Палаты прадстаўнікоў Нацыянальнага сходу Рэспублікі Беларусь 7 ^[1] і 8 склікання.

Жанна Мікалаеўна Чарняўская
дэпутат Палаты прадстаўнікоў Нацыянальнага сходу Рэспублікі Беларусь[d] з 2024
дэпутат Палаты прадстаўнікоў Нацыянальнага сходу Рэспублікі Беларусь[d] 2019 — 2024
Нараджэнне	18 ліпеня 1971(1971-07-18) (54 гады) Барысаўшчына, Барысаўшчынскі сельсавет, Хойніцкі раён, Гомельская вобласць, Беларуская ССР, СССР
Адукацыя	Мазырскі дзяржаўны педагагічны ўніверсітэт імя І. П. Шамякіна Акадэмія кіравання пры Прэзідэнце Рэспублікі Беларусь
Узнагароды	ганаровая грамата Нацыянальнага сходу Рэспублікі Беларусь

Біяграфія

Нарадзілася 18 ліпеня 1971 года ў в. Барысаўшчына Хойніцкага раёна Гомельскай вобласці^[2].

Скончыла Мазырскі дзяржаўны педагагічны ўніверсітэт па спецыяльнасці «Прафесійнае навучанне» са спецыялізацыяй «Аграінжынерыя»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[2].

Працавала майстрам вытворчага навучання ў дзяржаўным прафесійна-тэхнічным вучылішчы г. Хойнікі, спецыялістам, начальнікам аддзела ідэалагічнай работы, намеснікам старшыні Хойніцкага райвыканкама^[2].

Дэпутат Палаты прадстаўнікоў Нацыянальнага сходу Рэспублікі Беларусь 7 склікання, намеснік старшыні Пастаяннай камісіі па пытаннях экалогіі, прыродакарыстання і чарнобыльскай катастрофы^[3].

У 2024 годзе стала дэпутаткай Палаты прадстаўнікоў Нацыянальнага сходу Рэспублікі Беларусь VIII склікання ад Хойніцкай акругі № 47. Старшыня Пастаяннай камісіі па экалогіі і прыродакарыстанні, член Савета Палаты прадстаўнікоў^[2].

Узнагароды

Узнагароджана ганаровымі граматамі Нацыянальнага сходу Рэспублікі Беларусь, Хойніцкага раённага выканаўчага камітэта^[2].

Сям’я

Замужам, мае дачку.