Жаўтазель

Жаўстазель^[1][2] (Genísta) — род кветкавых раслін сямейства бабовыя (Fabaceae).

Жаўтазель
Жаўтазель германскі (Genista germanica)
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Genisteae Род:  Жаўтазель
Міжнародная навуковая назва
Genista L.
Сістэматыка на Віківідах Выявы на Вікісховішчы ITIS   26707 NCBI   49818 EOL   13440 GRIN   g:4898 IPNI   30028068-2

Батанічнае апісанне

Жаўтазель фарбавальны (Genista tinctoria). Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Нізкарослыя, цярністыя або некалючыя хмызнякі, паўхмызнякі і ліяны. Лісце суцэльнае, простае ці трайчастае, з пухам або голае. Кветкі жоўтыя, радзей бялёсыя, сабраныя ў гронкападобныя суквецці.

Распаўсюджанне і экалогія

Прадстаўнікі роду растуць па ўсім Міжземнамор’і, у Еўропе, Паўночнай Амерыцы, Блізкім Усходзе.

Аддаюць перавагу сухім супясчаным і камяністым вапнавым глебам. Не трываюць пераўвільгатнення і моцных маразоў. Вельмі святлалюбныя і засухаўстойлівыя.

Размнажаюцца насеннем, горш — зялёнымі тронкамі.

Гаспадарчае значэнне

Некаторыя віды выкарыстоўваюцца як дэкаратыўныя расліны. Ужываецца як глебазамацавальная расліна.

Ідзе на корм авечкам і козам, каровы ядуць толькі падчас голаду.

З жаўтазелю фарбавальнага (Genista tinctoria)^[3] здабываецца жоўтая фарба.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 58. — 160 с. — 2 350 экз.
2. Напісанне Жаўтазель у адпаведнасці з БЭ ў 18 тамах., Т. 6. — Мн., 1998. — С. 428.
3. Назва Жаўтазель фарбавальны згодна з Я. П. Шмярко, І. П. Мазан. Лекавыя расліны ў комплексным лячэнні. — Мн: Навука і тэхніка, 1989. — С. 388. — 399 с. — ISBN 5-343-00120-3.