Жоўцевыя кіслоты

Жо́ўцевыя кісло́ты — высокамалекулярныя монакарбонавыя поліцыклічныя кіслоты з класа стэроідаў, вытворныя халанавай кіслаты. Утвараюцца ў клетках печані чалавека і многіх жывёльных арганізмаў і выдзяляюцца з жоўцю.

Жоўцевыя кіслоты, што атрымліваюць з жоўці вышэйшых жывёл, выкарыстоўваюцца ў фармацэўтычнай прамысловасці як сыравіна для вытворчасці палавых гармонаў і інш.

Жоўцевыя кіслоты чалавека

Да жоўцевых кіслот належаць холевая, дэзоксіхолевая, літахолевая і іншыя кіслоты. Асноўная частка іх у жоўці злучаецца з глікаколам і таўрынам і ўтварае т.зв. парныя жоўцевыя кіслоты (напрыклад, глікахолевыя кіслоты), солі якіх садзейнічаюць эмульгаванню і ператраўленню тлушчаў, усмоктванню тлустых кіслот.

• Жоўцевыя кіслоты чалавека
• 
  Холевая кіслата
• 
  Хенадэзоксіхолевая кіслата
• 
  Дэзоксіхолевая кіслата
• 
  Літахолевая кіслата
• 
  Глікахолевая кіслата
• 
  Глікахенадэзоксіхолевая кіслата
• 
  Таўрахолевая кіслата
• 
  Таўрахенадэзоксіхолевая кіслата

Зноскі