Жуліу Сезар Суарыс Эспіндула

Жуліу Сезар Суарыс Эспіндула^[3] або Жуліа Сезар (парт.: Júlio César Soares Espíndola; нар. 3 верасня 1979, Дукі-ды-Кашыяс, Бразілія) — бразільскі футбаліст, брамнік. Ігрок нацыянальнай зборнай Бразіліі (2004—2014). Добра вядомы дзякуючы працяглым выступам за італьянскі клуб «Інтэр».

Жуліу Сезар
Агульная інфармацыя
Поўнае імя	Жуліу Сезар Суарыс Эспіндула
Нарадзіўся	3 верасня 1979(1979-09-03)[1][2] (46 гадоў) Дукі-ды-Кашыяс, штат Рыа-дэ-Жанэйра, Бразілія
Грамадзянства	Бразілія
Рост	186 см
Вага	79 кг
Пазіцыя	брамнік
Маладзёжныя клубы
Фламенгу
Клубная кар’ера[* 1]
1997—2005 Фламенгу 130 (-141) 2005—2012 Інтэр 228 (-203) 2005 →  К’ева 0 (0) 2012—2014 КПР 25 (-44) 2014 →  Таронта 7 (-9) 2014—2017 Бенфіка 55 (-33) 2018 Фламенгу 1 (-0)
Нацыянальная зборная[* 2]
2004—2014 Бразілія 87 (-70)
Узнагароды і медалі
Кубкі канфедэрацый Золата ПАР 2009 Золата Бразілія 2013 Кубкі Амерыкі Золата Перу 2004
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 23 красавіка 2018. Колькасць гульняў і галоў за нацыянальную зборную ў афіцыйных матчах, адкарэктавана станам на 10 верасня 2014
Медыяфайлы на Вікісховішчы

У 2009 годзе Міжнародная федэрацыя футбольнай гісторыі і статыстыкі абрала Жуліу Сезара трэцім брамнікам свету пасля Ікера Касільяса і Джанлуіджы Буфона^[4].

Кар’ера

Клубная

Жуліу Сезар, які нарадзіўся ў штаце Рыа-дэ-Жанэйра, пачаў сваю спартыўную кар’еру ў клубе «Гражан Каўнтры Клуб», дзе ён правёў сваё дзяцінства. Пасля гэтага ён на працягу 6 гадоў гуляў за «Фламенгу» з Рыа-дэ-Жанэйра.

У 2004 годзе Жуліу Сезар падпісаў кантракт з «Інтэрам», але з-за перавышэння ліміту легіянераў у клубе не трапіў у заяўку і быў аддадзены ў арэнду ў «К’ева», за які аднак не згуляў ніводнай гульні. У жніўні 2005 года ігрок вярнуўся ў «Інтэр» і падпісаў з ім трохгадовы кантракт. На пазіцыі асноўнага брамніка клубу ён змяніў Франчэска Тольда.

У жніўні 2012 года Жуліу Сезар падпісаў чатырохгадовы кантракт з англійскі клубам «Куінз Парк Рэйнджэрс»^[5]. За англійскі клуб дэбютаваў 15 верасня ў гульні супраць супраць «Чэлсі», якая скончылася нулявой нічыёй. Ён стаў першым брамнікам каманды, выцесніўшы брамніка нацыянальнай зборнай Англіі, Роберта Грына, які сеў на лаўку запасных.

У першай палове 2014 года на правах арэнды выступаў за канадскі клуб «Таронта», пасля чаго перайшоў у «Бенфіку», дзе спачатку быў асноўным брамнікам, а пазней страціў месца ў складзе. У лістападзе 2017 года па пагадненні бакоў разарваў кантракт з лісабонскім клубам^[6].

У студзені 2018 года праз 13 гадоў вярнуўся ў «Фламенгу»^[7]. Зноў згуляўшы ў бразільскай Серыі A 21 красавіка 2018 года ў матчы супраць клуба «Амерыка Мінейру» (2:0), аб’явіў аб завяршэнні кар’еры^[8].

Міжнародная

Жуліу Сезар з’явіўся ў заяўцы зборнай Бразіліі ў 2003 годзе, не правёўшы ніводнай гульні ў Кубку Канфедэрацый 2003, а дэбютаваў у зборнай 8 ліпеня 2004 года. Ён стаў пераможцам Кубка Амерыкі 2004.

Дасягненні

Клубныя

«Фламенгу»:

• Чэмпіён штата Рыа-дэ-Жанэйра (4): 1999, 2000, 2001, 2004
• Уладальнік Кубка чэмпіёнаў Бразіліі: 2001
• Уладальнік Кубка Меркасур: 1999
• Уладальнік Кубка Гуанабара (3): 1999, 2001, 2004
• Уладальнік Трафея Рыа: 2000

«Інтэрнацыянале»:

• Чэмпіён Італіі (4): 2007, 2008, 2009, 2010
• Уладальнік Кубка Італіі (3): 2006, 2010, 2011
• Уладальнік Суперкубка Італіі (4): 2005, 2006, 2008, 2010
• Пераможца Лігі чэмпіёнаў: 2010
• Пераможца клубнага чэмпіянату свету: 2010

«Бенфіка»:

• Чэмпіён Партугаліі (3): 2015, 2016, 2017
• Уладальнік Кубка Партугаліі: 2017
• Уладальнік Кубка лігі: 2016
• Уладальнік Суперкубка Партугаліі: 2016

Міжнародныя

Бразілія:

• Уладальнік Кубка Амерыкі: 2004
• Уладальнік Кубка канфедэрацый: 2009

Асабістае жыццё

Жанаты з бразільскай актрысай і мадэлью Сюзанай Вагнер, разам з якой выхоўвае дваіх дзяцей.