Чына лясная

Чына лясная^[1], або Жураўліны гарох^[2][3] (Láthyrus sylvéstris) — кветкавая расліна, від роду Чына (Lathyrus) сямейства Бабовыя (Fabaceae). Тыпавы від (лектатып) роду.

Чына лясная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Бабовыя Род:  Чына Від:  Чына лясная
Міжнародная навуковая назва
Lathyrus sylvestris L., 1753
Сістэматыка на Віківідах Выявы на Вікісховішчы ITIS   25881 NCBI   313117 EOL   703984 GRIN   t:21619 IPNI   502035-1 TPL   ild-8886

Не блытаць з Гарох жураўліны.

Батанічнае апісанне

Батанічная ілюстрацыя з кнігі К. А. М. Ліндмана «Bilder ur Nordens Flora», 1917—1926

Шматгадовая травяністая расліна. Сцябло прасцёртае, крылатае, да 2 м даўжынёй, моцна разгалінаванае. Лісце на крылатых хвосціках, з адной парай ланцэтных лісточкаў 5—12 см даўжынёй і 6—20 мм шырынёй, на верхавіне адцягнутых у вострую вяршыньку, якія сканчаецца вусікам.

Кветкі па 3—8 і больш у гронках на пазухавых слаба граневых кветканосах, ружовыя, кветаножкі іх прамыя або адхіленыя. Чашачка шыроказваночкавая, ніжні яе зубец даўжэй астатніх. Сцяг з круглява-авальнай пласцінкай, на верхавіне з выманнем, і кароткім вузкім кіпцікам.

Бабы 6—7 см даўжынёй і 0,7—1 см шырынёй, сціснутыя, даўгавата-лінейныя. Насенне шарападобнае або даўгаватае.

Распаўсюджанне

Сустракаецца па лясных ўзлесках і ў зарасніках кустоў, шырока распаўсюджаны ў Еўропе і на Каўказе.

Таксанамія

Lathyrus sylvestris L., Sp. Pl. 2: 733 (1753).

Сінонімы

• Lathyrus angustifolius Medik., 1787
• Lathyrus brachyphyllus Schur, 1859
• Lathyrus grandiflorus Láng, 1824, nom. illeg.
• Lathyrus intermedius Wallr., 1822
• Lathyrus latifolius Vis., 1826, nom. illeg.
• Lathyrus noeanus Alef., 1861
• Lathyrus platyphyllos Retz., 1795
• Lathyrus variegatus Gilib., 1792, nom. inval.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 72. — 160 с. — 2 350 экз.
2. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
3. Чоловский К. Опыт описания Могилевской губернии. По программе и под редакцией А. С. Дембовецкого, кн. I. — Могілев.