Жэрвінью

Жэрвэ́ Яо́ Куасі́ (фр.: Gervais Yao Kouassi), больш вядомы як Жэрві́нью^[3] (парт.: Gervinho; нар. 27 мая 1987, Аньяма, Кот-д’Івуар) — івуарыйскі футбаліст, нападнік турэцкага клуба «Трабзанспор» і нацыянальнай зборнай Кот-д’Івуара. Сваю мянушку атрымаў ад аднаго бразільскага трэнера, яшчэ выступаючы на радзіме.

Жэрвінью
Агульная інфармацыя
Поўнае імя	Жэрвэ Яо Куасі
Нарадзіўся	27 мая 1987(1987-05-27)[1][2][…] (38 гадоў) Аньяма[d], дэпартамент Абіджан[d], Кот-д’Івуар
Грамадзянства	Кот-д’Івуар
Рост	179 см
Вага	68 кг
Пазіцыя	крайні паўабаронца нападнік
Інфармацыя пра клуб
Клуб	Арыс
Маладзёжныя клубы
1998—2002 АСЕК Мімозас 2002—2004 Тумадзі 2004—2005 Беверэн
Клубная кар’ера[* 1]
2005—2007 Беверэн 61 (14) 2007—2009 Ле-Ман 59 (8) 2009—2011 Ліль 67 (28) 2011—2013 Арсенал 46 (9) 2013—2016 Рома 71 (17) 2016—2018 Хэбэй Чайна Форчун 29 (4) 2018—2021 Парма 88 (23) 2021—2022 Трабзанспор 9 (2) 2022— Арыс
Нацыянальная зборная[* 2]
2007— Кот-д’Івуар 88 (23)
Узнагароды і медалі
Кубкі афрыканскіх нацый Срэбра Габон/Экватарыяльная Гвінея 2012 Золата Экватарыяльная Гвінея 2015
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 16 ліпеня 2022. Колькасць гульняў і галоў за нацыянальную зборную ў афіцыйных матчах, адкарэктавана станам на 16 ліпеня 2022
Медыяфайлы на Вікісховішчы

Клубная кар’ера

Жэрвінью распачаў кар’еру ў юнацкай камандзе абіджанскага клуба «АСЕК Мімозас», дзе правёў пяць гадоў. Менавіта ў гэтым клубе ад бразільскага трэнера атрымаў мянушку «Жэрвінью». Неўзабаве футбаліст перайшоў у клуб другога івуарыйскага дывізіёна «Тумадзі», дзе некаторы час гуляў разам з братамі Яя, Кало і Ібраімам Турэ.

Праз два гады Куасі перайшоў у бельгійскі чэмпіянат, дзе да 2007 года гуляў у складзе «Беверэна». У сезоне 2007/08 выступаў у французскім чэмпіянаце ў клубе «Ле-Ман» разам са сваім суайчыннікам Рамарыкам. Пасля добрага сезона ў «Ле-Мане» футбалістам зацікавіліся скаўты некалькіх клубаў, як «Манака», «Пары Сен-Жэрмен», «Алімпік» Марсель і «Арсенал». Але ў выніку 21 ліпеня 2009 года Жэрвінью падпісаў трохгадовы кантракт з клубам «Ліль».

18 ліпеня 2011 года перайшоў у лонданскі «Арсенал», падпісаўшы з клубам доўгатэрміновы кантракт^[4]. У сваім дэбютным матчы ў Прэм’ер-лізе супраць «Ньюкасл Юнайтэд» ігрок быў выдалены з поля на 76-й хвіліне пасля сваркі з Джоі Бартанам. 19 жніўня 2013 года футбаліст падпісаў кантракт з італьянскім клубам «Рома» тэрмінам да 30 чэрвеня 2017 года^[5]. 25 жніўня 2013 года дэбютаваў за «Рому» у матчы 1-га тура чэмпіянату Італіі 2013/14 у гасцях супраць «Ліворна»^[6].

У студзені 2016 года перабраўся ў Кітай, папоўніўшы склад дэбютанта мясцовай Суперлігі — клуба «Хэбэй Чайна Форчун»^[7]. У жніўні 2018 года разарваў кантракт з кітайскім клубам і вярнуўся ў Еўропу, стаўшы іграком «Пармы»^[8]. У чэрвені 2021 года, пасля таго як «Парма» выбыла ў Серыю B, падпісаў двухгадовы кантракт з турэцкім «Трабзанспорам». Значную частку сезона 2021/22 прапусціў з-за траўмы.

У ліпені 2022 года перайшоў у грэчаскі «Арыс».

Міжнародная кар’ера

У лістападзе 2007 года Жэрвінью быў выкліканы ў галоўную зборную краіны на таварыскія матчы супраць зборных Анголы і Катара, а пазней запрошаны ў склад зборнай на Кубак афрыканскіх нацый 2008. 15 чэрвеня 2010 года Жэрвінью згуляў свой першы матч на чэмпіянаце свету 2010. Ён адгуляў 82 хвіліны супраць зборнай Партугаліі і быў названы найлепшым іграком матча паводле версіі гледачоў ITV1.

Дасягненні

«Ліль»:

• Чэмпіён Францыі: 2011
• Уладальнік Кубка Францыі: 2011

«Трабзанспор»:

• Чэмпіён Турцыі: 2022

Зборная Кот-д’Івуара:

• Уладальнік Кубка афрыканскіх нацый: 2015