Заброддзе (Нарачанскі сельсавет)

У паняцця ёсць і іншыя значэнні, гл. Заброддзе.

Забро́ддзе^[1] (трансліт.: Zabroddzie, руск.: Забродье) — вёска ў Вілейскім раёне Мінскай вобласці. Уваходзіць у склад Нарачанскага сельсавета.

Вёска Заброддзе Краіна Беларусь Вобласць Мінская Раён Вілейскі Сельсавет Нарачанскі Каардынаты 54°32′41″ пн. ш. 26°43′46″ у. д.HGЯO Насельніцтва ▼11 чал. (2009) Часавы пояс UTC+3 Тэлефонны код +375 1771 Паштовыя індэксы 222445 Аўтамабільны код 5 СААТА 6213849046 Заброддзе на карце Беларусі ±

Заброддзе на Вікісховішчы

Геаграфія

Знаходзіцца за 15 км на паўночны захад ад горада Вілейка, за 118 км ад Мінска, на рацэ Нарач.

Гісторыя

У 1897 годзе засценак у Вілейскай воласці Вілейскага павета Віленскай губерні Расійскай імперыі. У пачатку XX стагоддзя 46 жыхароў, 57 дзесяцін зямлі.

З 1921 года ў складзе Польскай Рэспублікі, знаходзілася ў Каловіцкай гміне Вілейскага павета Віленскага ваяводства.

З верасня 1939 года ў БССР, з 15 студзеня 1940 года ў Куранецкім раёне Вілейскай вобласці, з 12 кастрычніка 1940 года ў Бараўцаўскім сельсавеце. З чэрвеня 1941 года да 4 ліпеня 1944 года акупіравана нацыстамі. З фронту не вярнуліся 6 жыхароў. З 20 верасня 1944 года ў Куранецкім, з 5 ліпеня 1946 года ў Вілейскім раёнах Маладзечанскай вобласці. 25 лістапада 1948 года створаны калгас «Новае жыццё». З 20 студзеня 1960 года ў Мінскай вобласці. З 11 верасня 1975 года ў Нарачанскім сельсавеце. Землі ў складзе калгаса імя XXI з’езда КПСС.

Насельніцтва

• 1897 год — 42 жыхары, 5 двароў.
• 1938 год — 69 жыхароў, 10 двароў.
• 1960 год — 67 жыхароў.
• 1988 год — 26 жыхароў, 12 гаспадарак.
• 2008 год — 10 жыхароў, 8 гаспадарак.

Славутасці

Крыніца «Стрэж».

Барысаглебская капліца ў Заброддзі.

• Крыніца «Стрэж», помнік прыроды мясцовага значэння.
• Могілкі расійскіх воінаў, якія загінулі ў Першую сусветную вайну. Рэканструкцыя мастака Б. Цітовіча.
• Капліца Святых Барыса і Глеба 2003—2010 гг.

Вядомыя асобы

• Барыс Цітовіч (1948—2021) — мастак, жыў і працаваў у Заброддзі.