Завелле (возера)

Заве́лле — возера ў Беларусі, у Полацкім раёне Віцебскай вобласці ў басейне ракі Дахнарка, за 16 км у напрамку на паўночны захад ад Полацка, за 0,4 км на поўдзень ад вёскі Цінаўка.

Завелле
Морфаметрыя
Вышыня над узроўнем мора	140,1[1] м
Даўжыня	1,38 км
Шырыня	0,42 км
Плошча	0,32 км²
Даўжыня берагавой лініі	3,8 км
Найбольшая глыбіня	9,5 м
Сярэдняя глыбіня	4,2 м
Басейн
Плошча вадазбору	2,3 км²
Размяшчэнне
Краіна	Беларусь
Рэгіён	Віцебская вобласць
Завелле
Завелле
Медыяфайлы на Вікісховішчы

Плошча паверхні возера 0,32 км². Даўжыня 1,38 км, найбольшая шырыня 0,42 км, даўжыня берагавой лініі 2,8 км. Найбольшая глыбіня 9,4 м, сярэдняя 4,2 м^[2]. Плошча вадазбору 2,3 км².
Катлавіна Завелля выцягнутая ў напрамку з поўначы на поўдзень. Схілы катлавіны вышынёй 2—5 м, у паўночнай частцы да 10 м. Берагавая лінія звілістая. Берагі нізкія, пясчаныя. На возеры 2 востравы. У паўночнай частцы з возера выцякае ручай.

У возеры водзяцца лешч, плотка, гусцяра, краснапёрка, карась, джгір і іншыя віды рыб.

Зноскі

1. Ліст карты N-35-22. Выданне 1987 года. Стан мясцовасці на 1986 год. (руск.)
2. Озёра Полоцкого района. Азинский сельсовет. // Полоцкий районный исполнительный комитет Архівавана 5 сакавіка 2016. (руск.)