Джгір звычайны

Звычайны джгір, таксама Звычайны ёрш (Gymnocephalus cernuus) — від рыб з сямейства акунёвых (Percidae), тыповы від роду яршы. Народныя назвы: ажгур, яжгур.

Джгір звычайны
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Акунепадобныя Падатрад:  Percoidei Надсямейства:  Percoidea Сямейства:  Акунёвыя Род:  Джгіры Від:  Джгір звычайны
Міжнародная навуковая назва
Gymnocephalus cernuus Linnaeus, 1758
Ахоўны статус
Выклікаюць найменшыя асцярогі IUCN 3.1 Least Concern : / 9568
Сістэматыка на Віківідах Выявы на Вікісховішчы NCBI   57865 EOL   203972

Апісанне

Даўжыня дарослай рыбы складае 10-15 см, маса 20-50, зрэдку да 200 г. Спіна шэра-зялёная, бакі з жаўтаватым адценнем, брушка белаватае; па ўсім целе раскіданы шматлікія цёмныя кропінкі; на спінным і хваставым плаўніках бурыя плямы. У вадаёмах з пясчаным грунтам афарбоўка больш светлая. Першы спінны плаўнік і першыя прамяні анальнага і брушнога плаўнікоў у выглядзе калючак. На жаберных накрыўках да 12 вострых шыпоў. Рыла тупое, кароткае.

Пашырэнне

Гэта прэснаводная рыба, жыве ў вадаёмах Паўночнай, Сярэдняй і Усходняй Еўропы і Паўночнай Азіі. На Беларусі шматлікі ў Палескіх, Нарачанскіх, Браслаўскіх азёрах, Заслаўскім, Асіповіцкім і іншых вадасховішчах. Аселая прыдонная рыба, аддае перавагу пясчанаму дну або жвіру.

Асаблівасці біялогіі

Жыве чародкамі на значных глыбінях, у мясцінах з пясчаным і заіленым дном.

Корміцца галоўным чынам бесхрыбтовымі паблізу дна, таксама корміцца маляўкамі рыб, дробнай рыбай і некаторымі раслінамі. За яршом у сваю чаргу палююць больш буйныя рыбы.

Полавая спеласць наступае звычайна ў 2-3 гады. Нераст парцыённы ў красавіку-чэрвені ў поймах рэк, старыцах, залівах, у азёрах часта на глыбіні. Плоднасць ад 4 да 200 тыс. ікрынак.

Літаратура

• Гладкі Г. Джгір звычайны // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.