Задзеўскае

Задзе́ўскае — возера ў Пастаўскім раёне Віцебскай вобласці, у басейне ракі Мядзелка, на заходняй ускраіне (за 3 км^[1]) горада Паставы.

Задзеўскае
Морфаметрыя
Вышыня над узроўнем мора	133,6 м
Даўжыня	2,46 км
Шырыня	0,64 км
Плошча	0,92 км²
Аб’ём	0,00505 км³
Даўжыня берагавой лініі	8,22 км
Найбольшая глыбіня	21,8 м
Сярэдняя глыбіня	5,5 м
Гідралогія
Салёнасць	каля 0,28 ‰
Празрыстасць	да 1,6 м
Басейн
Плошча вадазбору	68,8 км²
Упадаюць	Спорыца
Выцякаюць	Спорыца
Размяшчэнне
Краіна	Беларусь
Рэгіён	Віцебская вобласць
Задзеўскае
Задзеўскае

Плошча паверхні возера 0,92 км². Даўжыня 2,46 км, найбольшая шырыня 0,64 км, даўжыня берагавой лініі 8,22 км. Найбольшая глыбіня 21,8 м, сярэдняя 5,5^[2] м. Аб’ём вады ў возеры 5,05 млн м³. Мінералізацыя каля 280^[2] мг/л. Празрыстасць да 1,6^[2] м. Плошча вадазбору 68,8 км².
Катлавіна возера лагчыннага тыпу. Вышыня схілаў катлавіны 5—12 м. Берагавая лінія звілістая. Берагі нізкія, пясчаныя, у паўднёвай частцы — сплавінныя. Дно возера складанай будовы, пясчанае каля берагоў, глыбей — глеістае (гумусаваная гліна^[2] ). Зона мелкаводдзя вузкая. На возеры востраў плошчай 0,9 га. Праз возера працякае рака Спорыца і злучае Задзеўскае з возерам Думбля.
Возера эўтрофнае, слабапраточнае. Расліннасць пашыраецца да 60 м ад берага возера і да глыбіні 2,3 м.

У возеры водзяцца шчупак звычайны, лешч, плотка, гусцяра, краснапёрка, акунь, лінь і іншыя віды рыб.

Возера з'яўляецца месцам масавага адпачынку^[3].

Зноскі

1. Общая характеристика озёр Витебской области Архівавана 17 мая 2017. (руск.)
2. Энцыклапедыя прыроды Беларусі. У 5-і т. Т. 2 / Рэдкал.: І. П. Шамякін (гал. рэд.) і інш.. — Мн.: БелСЭ, 1983. — Т. 2. — С. 319. — 522 с. — 10 000 экз.
3. Перечень мест массового отдыха на водных объектах Витебской области, утверждённых решениями (распоряжениями) горрайисполкомов на 2015 год // Витебский областной комитет природных ресурсов и охраны окружающей среды Архівавана 4 сакавіка 2016. (руск.)