Заморскія ўладанні Францыі

Заморскія ўладанні Францыі (фр.: France d'outre-mer) — шэраг тэрыторый (пераважна астравоў, за выключэннем кантынентальнай Гвіяны), якія належаць Францыі, але аддаленых ад яе асноўнай еўрапейскай тэрыторыі. Цяпер гэтыя тэрыторыі могуць мець наступны статус:

• заморскі дэпартамент і рэгіён (département et région d’outre-mer, абрэвіятура DOM, радзей DROM)
• заморская супольнасць (collectivité d’outre-mer, абрэвіятура COM)
• заморскае адміністрацыйна-тэрытарыяльнае ўтварэнне з асобым статусам (collectivité sui generis)

Заморскія ўладанні Францыі

Раней, калі яшчэ існаваў статус заморскай тэрыторыі (territoire d’outre-mer), па-французску ўсе гэтыя ўладанні часта звалі DOM-TOM (абрэвіятура от départements d’outre-mer / territoires d’outre-mer).

Спіс тэрыторый

Заморскія дэпартаменты і рэгіёны

Асноўныя артыкулы: Заморскі рэгіён Францыі і Заморскі дэпартамент Францыі

• Гвадэлупа (la Guadeloupe)
• Маёта (Mayotte)
• Марцініка (la Martinique)
• Рэюньён (la Réunion)
• Гвіяна (la Guyane)

Заморскія супольнасці

• Сен-Бартэльмі (Saint-Barthélemy)
• Сен-Мартэн (Saint-Martin)
• Сен-П’ер і Мікелон (Saint-Pierre-et-Miquelon)
• Уоліс і Футуна (Wallis-et-Futuna)
• Французская Палінезія (la Polynésie française)

Заморскія адміністрацыйна-тэрытарыяльныя ўтварэнні з асобым статусам

• Кліпертон (Clipperton)
• Новая Каледонія (la Nouvelle-Calédonie)
• Французскія Паўднёвыя і Антарктычныя тэрыторыі ці ФПАТ (Terres australes et antarctiques françaises, TAAF)

Заморскія ўладанні Францыі

Сцяг	Герб	Тэрыторыя	Рэгіён	Плошча км²	Насельніцтва	Сталіца	Статус
		Гвадэлупа	Карыбскае мора	1 628	420 000	Бас-Тэр	Заморскі дэпартамент
		Марцініка	Карыбскае мора	1 128	400 000	Фор-дэ-Франс	Заморскі дэпартамент
		Рэюньён	Індыйскі акіян	2 512	800 000	Сен-Дэні	Заморскі дэпартамент
		Французская Гвіяна	Паўднёвая Амерыка	91 000	230 000	Каена	Заморскі дэпартамент
		Маёта	Індыйскі акіян	374	190 000	Мамудзу	Заморскі дэпартамент[1]
		Французская Палінезія	Ціхі акіян	4 167	270 000	Папеэтэ	Заморская супольнасць
		Уоліс і Футуна	Ціхі акіян	274	15 000	Мата-Уту	Заморская супольнасць
		Сен-П’ер і Мікелон	Паўночная Амерыка	242	6 000	Сен-П'ер	Заморская супольнасць
		Сен-Мартэн	Карыбскае мора	53	37 000	Марыго	Заморская супольнасць
		Сен-Бартэльмі	Карыбскае мора	21	8 600	Густавія	Заморская супольнасць
		Новая Каледонія	Ціхі акіян	18 575	230 000	Нумеа	Заморскае асобае адміністрацыйна-тэрытарыяльнае ўтварэнне
		Французскія Паўднёвыя і Антарктычныя тэрыторыі або ФПАТ	Індыйскі акіян	439 672	140	Порт-о-Франсэ	Заморскае асобае адміністрацыйна-тэрытарыяльнае ўтварэнне
		Кліпертон	Ціхі акіян	9	0	Няма	Заморскае асобае адміністрацыйна-тэрытарыяльнае ўтварэнне
		Усяго		127 655	2 606 600

Агульная сума плошчы ўсіх 13 тэрыторыі складае 559 655 км² (без Зямлі Адэлі—127 655 км²), а насельніцтва 2 606 600 чалавек.

Тэрытарыяльныя прэтэнзіі

• Мадагаскар аспрэчвае астравы Басас-да-Індыя, Глар'ёз, Еўропа, Жуан-ды-Нова, якія ўваходзяць у склад Астравоў Эпарсэ, што маюць асобы статус заморскага адміністрацыйна-тэрытарыяльнага ўтварэння Францыі.
• Дзяржава Каморскія Астравы (Саюз Каморскіх Астравоў) прэтэндуе на востраў Маарэ (былы Маёта), які мае статус «заморскага дэпартамента» Францыі.
• Сурынам (былая Галандская Гвіяна) мае прэтэнзіі да тэрыторый Французскай Гвіяны — найбуйнейшага заморскага дэпартамента Францыі.
• Маўрыкій з 1990 г. вядзе перамовы аб вяртанні вострава Трамлен (належыць Францыі). Таксама існуе прынцыповая згода адносна сумеснага кіравання востравам і прылеглай марской прасторай.
• Рэспубліка Вануату аспрэчвае правы на астравы Мэцью і Хантэр, размешчаныя ў Новай Каледоніі, якая з 1946 года носіць статус «заморскай тэрыторыі» Францыі.
• Міжнародная супольнасць не прызнае тэрытарыяльных правоў Францыі на Зямлю Адэлі — антарктычны сектар, уключаны Францыяй у склад яе Паўднёвых і Антарктычных тэрыторый.

Гл. таксама

• Калоніі Францыі

Зноскі

1. з 31 сакавіка 2011 года