Запольскі сельсавет (Рагачоўскі раён)

Запо́льскі сельсавет — адміністрацыйна-тэрытарыяльная адзінка ў складзе Рагачоўскага раёна Гомельскай вобласці Беларусі. Цэнтр — аграгарадок (да 2009 года вёска) Заполле.

Запольскі сельсавет
Краіна	Беларусь
Уваходзіць у	Рагачоўскі раён
Уключае	9 населеных пунктаў
Адміністрацыйны цэнтр	Заполле
Дата ўтварэння	20 жніўня 1924
Насельніцтва (2019)	1 224
Часавы пояс	UTC+03:00
Код аўтам. нумароў	3

У паняцця ёсць і іншыя значэнні, гл. Запольскі сельсавет.

Утвораны 20 жніўня 1924 года ў складзе Рагачоўскага раёна Бабруйскай акругі БССР. Пасля скасавання акруговай сістэмы 26 ліпеня 1930 года ў Рагачоўскім раёне БССР. З 20 лютага 1938 года ў складзе Гомельскай вобласці. 14 красавіка 1960 года ў склад сельсавета з Ціхініцкага сельсавета перададзены 4 населеныя пункты (Броннае, Рудня Бронская, Сяменькавічы і Ясёнаўка)^[1]. 20 лютага 1975 года ў склад сельсавета з Забалацкага сельсавета перададзены 3 населеныя пункты (вёскі Наваселле, Стрэнькі і пасёлак Марусіна)^[2]. 16 студзеня 1985 года скасавана вёска Манькі^[3], 13 лістапада 1987 года — вёска Сяменькавічы^[4]. 16 чэрвеня 2006 года ў склад Ціхініцкага сельсавета вернуты вёскі Броннае і Ясёнаўка^[5]. 18 верасня 2018 года скасавана вёска Наваселле^[6].

Насельніцтва сельсавета паводле перапісу 2009 года (10 населеных пунктаў) — 1438 чалавек^[7], з іх 94,7 % — беларусы, 3,4 % — рускія, 0,6 % — украінцы^[8]; паводле перапісу 2019 года (9 населеных пунктаў) — 1224 чалавекі^[9].

Зноскі

1. Рашэнне выканкома Гомельскага абласнога Савета дэпутатаў працоўных ад 14 красавіка 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 10.
2. Рашэнне выканаўчага камітэта Гомельскага абласнога Савета дэпутатаў працоўных ад 20 лютага 1975 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 15 (1461).
3. Рашэнне выканаўчага камітэта Гомельскага абласнога Савета дэпутатаў працоўных ад 16 студзеня 1975 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1975, № 7 (1453).
4. Рашэнне выканкома Гомельскага абласнога Савета народных дэпутатаў ад 13 лістапада 1987 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1988, № 9 (1923).
5. Решение Гомельского областного Совета депутатов от 16 июня 2006 г. № 273 Об изменении границ Запольского и Тихиничского сельсоветов Рогачевского района
6. Решение Рогачевского районного Совета депутатов от 18 сентября 2018 г. № 33 Об упразднении сельских населенных пунктов Рогачёвского района
7. Колькасць насельніцтва населеных пунктаў Гомельскай вобласці Беларусі паводле перапісу 2009 года
8. Этнічны склад насельніцтва сельсаветаў Беларусі паводле перапісу 2009 года
9. Колькасць насельніцтва населеных пунктаў Гомельскай вобласці Беларусі паводле перапісу 2019 года