Заслаўскія

Заслаўскія або Жаслаўскія — княжацкі род герба «Астрог» зменены (страла над паўкальцом заменена на крыж), галіна князёў Астрожскіх.

Заслаўскія
Падданства	Рэч Паспалітая
Дом паходжання	Астрожскія
Медыяфайлы на Вікісховішчы

Юрый Васілевіч (каля 1430 — каля 1500) — малодшы брат князя Івана Васілевіча Астрожскага, пры падзеле бацькоўскай спадчыны атрымаў Заслаўе на Валыні (цяпер Ізяслаў Хмяльніцкай вобласці Украіны). Нашчадкі князя Юрыя тытулаваліся князямі Заслаўскімі. Асноўная іх дзейнасць звязана з Украінай.

Да Беларусі мелі дачыненне ў 2-й палове 16 ст. дзеці Кузьмы Іванавіча (каля 1500—1562), жанатага з княгіняй Настассяй Юр’еўнай Гальшанскай-Дубровіцкай. Іх дзеці ў 1556 годзе пры падзеле спадчыны згаслага роду князёў Гальшанскіх атрымалі палову Глуска ў Новагародскім і Рычаў у Пінскім павеце.

Януш Кузьміч (каля 1530—1567) пакінуў сына Януша (каля 1550—1629). Ганна Кузьмінічна (? — 1582), жонка князя Івана Фёдаравіча Чартарыйскага, у 1581 годзе адкупіла ў пляменніка долю ў названых маёнтках, якія потым адышлі да князёў Чартарыйскіх.

Нашчадкі Януша Янушавіча жылі да 1677 года.

Літаратура

• Заслаўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.
• Wolff J. Kniaziowie litewsko-ruscy od końca czternastego wieku. Warszawa, 1895. S. 594—605.

Спасылкі

• На Вікісховішчы ёсць медыяфайлы па тэме Заслаўскія