Заслучна

Заслу́чна^[1] (трансліт.: Zaslučna, руск.: Заслучно) — вёска ў Брэсцкім раёне Брэсцкай вобласці. Уваходзіць у склад Мухавецкага сельсавета. Размешчаны за 19 км на паўднёвы ўсход ад Брэста, 8 км ад чыгуначнай станцыі Брэст-Усходні.

Вёска Заслучна Краіна Беларусь Вобласць Брэсцкая Раён Брэсцкі Сельсавет Мухавецкі Каардынаты 52°00′41″ пн. ш. 23°49′11″ у. д.HGЯO Насельніцтва ▼81 чал. (2009) Часавы пояс UTC+3 Тэлефонны код +375 162 Паштовыя індэксы 225006 Аўтамабільны код 1 Заслучна Заслучна Заслучна

Заслучна на Вікісховішчы

У складзе дзяржаўнага ўнітарнага сельскагаспадарчага прадпрыемства «Племзавод «Мухавец» (цэнтр — пас. Мухавец).

Гісторыя

У 19 стагоддзі вёска — прыватная ўласнасць у Брэсцкім павеце Гродзенскай губерні. Уваходзіла ў склад маёнтка Камяніца Біскупская, які належаў графіні Красінскай. У 1870 годзе адносілася да Біскупска-камяніцкай сельскай грамады.

У 1905 годзе ў Камянец-Жыровіцкай воласці. Паводле Рыжскага мірнага дагавора 1921 года ў складзе Польшчы, у Камянец-Жыровіцкай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі 4 вяскоўцы.

Насельніцтва

• 118 рэвізскіх душ (1870)
• 39 двароў, 281 жыхар (1897)
• 298 жыхароў (1905)
• 132 жыхары (1959)
• 129 жыхароў (1970)
• 39 гаспадарак, 95 жыхароў (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)