Засулле

Засу́лле^[1] (трансліт.: Zasullie, руск.: Засулье) — аграгарадок у Стаўбцоўскім раёне Мінскай вобласці. Уваходзіць у склад Рубяжэвіцкага сельсавета. За 16 кіламетраў на паўночны ўсход ад Стоўбцаў, 96 кіламетраў ад Мінска.

Аграгарадок Засулле Свята-Іаана-Прадцечанская царква Краіна Беларусь Вобласць Мінская Раён Стаўбцоўскі Сельсавет Рубяжэвіцкі Каардынаты 53°34′47″ пн. ш. 26°49′53″ у. д.HGЯO Колькасць двароў 138 Насельніцтва 307 чалавек (2013) Часавы пояс UTC+3 Тэлефонны код +375 1717 Паштовыя індэксы 222662 Аўтамабільны код 5 СААТА 6254848030 Засулле на карце Беларусі ±

Засулле на Вікісховішчы

Гісторыя

Царква ў пачатку XX стагоддзя

Вядома з XVI ст. Першыя вядомыя ўладальнікі — татарскія князі Уланы (Улановічы). У 1592 годзе вёску набыў князь Яраш Жыжэмскі. На працягу XVII ст. вёска разрасталася, чаму спрыяла знаходжанне на гандлёвым шляху Менск—Мір. У XVIII ст. на некаторы час вёска ўваходзіла ў склад уладанняў Радзівілаў. У канцы XVIII ст. уладальнік — Вінцэнт Дзерналовіч. У XIX ст. уласнасць перайшла да Крупскіх.

У 1921—1939 гадах у складзе Польшчы.

Да 28 мая 2013 года вёска ўваходзіла ў склад Засульскага сельсавета^[2].

Насельніцтва

• 548 жыхароў (1897)
• 984 жыхары, 281 двор (1971)
• 422 жыхары, 186 двароў (1997)
• 307 жыхароў, 138 двароў (2013)

Інфраструктура

• Сярэдняя школа
• Дом культуры
• Бібліятэка
• Амбулаторыя
• Аддзяленне сувязі

Славутасці

Камень у памяць пра Каруся Каганца

• Сядзіба Крупскіх
• Свята-Іаана-Прадцечанская царква
• Камень у памяць пра Каруся Каганца, які ў 1872—1880 гг. правёў тут дзіцячыя гады.

Вядомыя асобы

• Уладзімір Іосіфавіч Жук (нар. 1941) — беларускі мастак-плакатыст.
• Георгій Іосіфавіч Жыхар (нар. 1936) — беларускі спецыяліст у галіне цеплаэнергетыкі. Доктар тэхнічных навук, прафесар.
• Урбан Баніфацевіч Крупскі (1863—1915) — беларускі палітычны, культурны і гаспадарчы дзеяч Расійскай імперыі.
• Чэслаў Урбанавіч Крупскі (1889—1939/1940) — беларускі і польскі дзяржаўны дзеяч, юрыст і маянтковец.
• Януш Урбанавіч Крупскі (1898—1939) — інжынер-аграрый, апошні прыватны ўласнік маёнтка Засулле ў Расійскай імперыі і міжваеннай Польшчы.

Зноскі

1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU)
2. «Об изменении административно-территориального устройства районов Минской области». Решение Минского областного Совета депутатов от 28 мая 2013 г. № 234 Архівавана 31 сакавіка 2016. (руск.)