Бенінскі сельсавет

Бе́нінскі сельсавет — былая адміністрацыйна-тэрытарыяльная адзінка ў складзе Навагрудскага раёна Гродзенскай вобласці. Цэнтр — вёска Бенін.

Бенінскі сельсавет
Краіна	Беларусь
Уваходзіць у	Навагрудскі раён
Уключае	10 населеных пунктаў
Адміністрацыйны цэнтр	Бенін
Дата ўтварэння	12 кастрычніка 1940
Дата скасавання	25 чэрвеня 2008
Афіцыйныя мовы	беларуская/руская
Насельніцтва	941 чал. (1999)
Часавы пояс	UTC+03:00
Тэлефонны код	+375 1597
Код аўтам. нумароў	4

Утвораны 12 кастрычніка 1940 года як Зенявіцкі сельсавет у складзе Любчанскага раёна Баранавіцкай вобласці БССР. Цэнтр — вёска Зенявічы. З 8 студзеня 1954 года ў складзе Гродзенскай вобласці. З 17 снежня 1956 года ў складзе Навагрудскага раёна. 21 красавіка 1992 года сельсавет перайменаваны ў Бенінскі, цэнтр перанесены ў вёску Бенін. 25 чэрвеня 2008 года скасаваны, тэрыторыя далучана да Уселюбскага сельсавета^[1].

На момант скасавання ў склад сельсавета ўваходзілі 10 населеных пунктаў: Бенін, Зенявічы, Ляхавічы 1, Ляхавічы 2, Марцулі, Нізаўцы, Пліса 1, Пліса 2, Рахавец, Храпянева.