Змеявік

Змеяві́к^[2] (Bistorta) — род кветкавых раслін сямейства Драсёнавыя (Polygonaceae). Налічвае каля 30^[2] відаў.

Змеявік
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Драсёнавыя Падсямейства:  Polygonoideae Трыба:  Persicarieae Род:  Змеявік
Міжнародная навуковая назва
Bistorta (L.) Scop. (1754)
Сінонімы
Bistorta (L.) Mill., nom. inval. Colubrina Friche-Joset & Montandon Persicaria sect. Bistorta (L.) auct. Polygonum [i.u.] Bistorta L.basionym Polygonum sect. Bistorta (L.) Meisn. Polygonum subgen. Bistorta (L.) Zernov, nom. inval.
Наменклатурны тып
Bistorta major Grey[1] ≡ Bistorta officinalis Delarbre — Змеявік вялікі
Сістэматыка на Віківідах Выявы на Вікісховішчы ITIS   823763 NCBI   137670 EOL   2880834 IPNI   331755-2

Батанічнае апісанне

Шматгадовыя травяністыя расліны з тоўстым карэнішчам, звычайна змеепадобнай формы. Сцёблы прамастойныя. Лісце простае, завостранае на канцах, чаргаванае па даўжыні сцябла і ў прыкаранёвай разетцы. Сцябловае лісце з невялікімі ліставымі пласцінкамі на кароткіх чаранках, з доўгімі похвамі. Прыкаранёвае — буйное і на доўгіх чаранках. Кветкі ружовага або ружова-белаватага колеру, у гронкападобных суквеццях. Плод — сухі арэшак трохграннай формы.

У змеявіка жывароднага (Bistorta vivipara) кветкі ніжняй часткі суквецця відазменены ў клубеньчыкі, служачыя вегетатыўнаму размнажэнню^[2].

Распаўсюджанне

Расліны роду распаўсюджаны ў Паўночным паўшар’і, пераважна ў горных раёнах Азіі.

Гаспадарчае значэнне

Лекавыя, таніданосныя (у кветках да 25 % дубільных рэчываў^[2]), меданосныя і дэкаратыўныя расліны^[2].

Зноскі

1. Звесткі пра род Bistorta у базе даных Index Nominum Genericorum Міжнароднай асацыяцыі па таксанаміі раслін (IATP). (англ.)
2. Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7.